الحفله !!!!!

انا مكسووووووووووووووووووفه أقول لكم ان الحفله ........اتأجلت

بس متأجلتش لكتير يعنى ...يوم الاثنين الساعه 11 ان شااااااااااااااااااء الله

مصر وزمبيا

مش انتم بس اللى اتفرجتم على ماتش مصر وزمبيا امبارح ومش انتم بس اللى شجعتو المنتخب
(اياد باشااااااااااااااااااااااااااااااااا كان عنده الحصبه باين )

كل الكلاس اتفرج على الماتش

كركر السكر وعبد الرحمن كانو قلقلين جدا فطلبو عصير يرطب ريقهم ويهديهم محمد امين ومحمد حموده ومحمد سمير لو كان ايه اللى حصل جنبهم مكنوش اتحركو من مكانهم

الماتش فى ذروته

ربنا يستر هيدخل فينا جون !!!!!!!!!

ربناااااااااااااااااا ستر الحمد لله... اعصابنا باظت خالص

الشوط قرب يخلص ولسه مفيش اجوان

استنو كده بااااااااااااااااين فى

جووووووووووووووووووووووووووووووووون

بس للاسف فى النهايه تعادل

وبعد الماتش كان فى اراء واختلافات كتير

شويه يقولو حسن شحاته هو السبب كل دقيقه يبدل الاعبين مع بعضهم

وشويه يقولو كده حلو تعادل احلى من خساره

وانا بقول بزمتكم ايه رايكم فى كتكيتنا كل ده بيتفرجو على توم وجيرى والمشكله ان الحلقه متعاده مليون مره لحد مهيجيلى حاجه فى عقلى من كتر ما بتفرج عليها معاهم

وكمان عارفين ان دايما جيرى اللى بيكسب وبعد كل ده لازم الساعه 12الاثلت نفتح لهم على الكرتون

خبر جديد

>

>

>

>

>

كتكيتنا فى المكتبه

محمد ومحمد وكريم (كوكو ) مركز اوى

الاسبوع اللى فات كان الغياب كتير

فاللى غاب مطلعش المكتبه ومداركه متوسعتش وافاقه بقت ضيقه لانه مطلعش معانا

(علشان تبقو تغيبو براحتكم)

مصطفى وكركر السكر وعمتو هاجر بعد ما افاقهم اتوسعت

وعبد الله (بس الظاهر الافاق بتاعته جت واسعه اوى عليه )

ومحمد اخوه

واحلى حاجه لما نرفع الكراسى لفوق خالص فميعرفوش ينزلو ولا يتحركو من مكانهم الا محنا ننزلهم

الحفله اتحددت الحمد لله

الحفله يووووووووووووووووم الخميس الجاى 2/4ان شاااااااااء الله

وكتكيتنا ييجو لابسين لبس المدرسه والحفله هتبدأء حوالى الساعه 10

ويااااااااااااااارب تعجبكم وممنوع الغياب لاى سبب من الاسباب

امتحان بحق وحقيقى

ياجماعه فى امتحاااااااااان فى كلاس الapple الاسبوع الجاى ان شاء الله

يعنى عايزيين مذاكره 24ساعه فى المدرسه مرااااااجعه وفى البيت مراااجعه
مفيش زيارات مفيش خروج مذاكره وبس

الامتحااااااااااااان مفهوش غش ولا وسطه بأذن الله كل كتكوت هنسجل له بالصوت وهوا بيسمع

علشان لو حد قدم طلب تظلم او كشف على النتيجه

وبرده علشان ماما تسمع الكتكوت بتاعها وهوا بيسمع لان فى شويه من كتكيتنا معتبرين ان ممنوع يقولو المنهج فى البيت !!!!المدرسه وبس

وبأذن الله توزيع شهادات التقدير للأوائل يوم حفله عيد الام قدام كل الموجودين

وهيتصورو وهما بيستلمو الشهادات وصورهم تنزل على المدونه يعنى من الاخرهيبقو مشاااااهير

>>>>>>>>>>>>>>>>>>>>>>>>>>>>>>>>>>>>>>>>>>>

الامتحان فى كل اللى اخذناه من اول يوم لحد دلوقتى
الرابط ده فيه جزء من المنهج

http://babyclass.blogspot.com/2008/11/class-class-9-9-9-10-class-class-aapple.html

وباقى المنهج :_

عين يعنى eyes

فم يعنى Mouth

انف يعنى Nose

صباح الخيريعنى Good morning

احمر يعنى Redا أصفر يعنىYellow

اخضر يعنى Green ازرق يعنى Blue

برتقالى يعنىOrange ابيض يعنىWhite

اسود يعنى Black

My family

النونو يعنى baby

جدو grand father

تيتا grand mother

اوعى ياتيتا تزعلى دى صوره تيتا برررره اما احنا فى مصر تيتا بتاعتنا كلها شباب

D(dog)

E(egg)

F(fish)

G(glass)

H(hen)

I(ice cream)

j(jam)

وحروف اللغه العربيه ;_

ج (جمل )

ح(حمامه)

خ(خروف)

د(ديك)

ذ(ذيل)

ر(رمانه)

ز (زرافه)

س (سمكه)

ش (شوكه)