كلاسى حبيبى

صور كلاسى حبيبى صور مليانه حيويه وذكاء ومذاكره و. و. و.و .و.و. و. و.
وصحابنا الملتزمين فى الحضور ومش بيغيبو كتير هما اللى اتصوروو اما صحابنا اللى نايمين ومكسلين
فهما حرين

كتكينا فى وضع المنهج

صف بالكراسى وبيبصو على السبوره اللى موجود عليها الشيتات

وكل كتكوت بيبقى المستر ويطلع على الكرسى ويقول وصحابنا يقولو وراه

وكركر اندمج فى الدور واتنرفز من صحابنا اللى مش بيقولو وراه

كركر وحمبوزو كيمو وبيسو ونور وعلى ومصطفى ومحمد

هما نفسهم بس بيغيرو الاماكن ومفروض تكونو حفظتوهم بقااااااااااااا

عقاب جماعى

كانو سعتها محتاجين قوى العقاب ده مهو لازم نشد عليهم ..

السنه قربت تخلص ونفسنا ينجحو علشان يتنقلو كيجى

ومحدش يضطر يعيد البيبى كلاس تانى

فى يوم من الايام لقيت الداده جايه وبتقول تعالى شوفى ياميس الBathroom ورحت اشوف

وقلت ياريتنى معملت العمليه ولاشفت

حمله تنظيف جماعيه الكابتن فارس جايب معاه صابونه وصحابنا واقفين بالدور

وفارس يقول لصحابه كفااااااااااااااااايه الصابونه هتخلص

انت أخذت كتير يامحمد

بس ياعلىكفايه كده واديها لكركر

وقاعدين يتعزمو على الصابونه أكنها شكولاته

طلعنا وسيبنا الداده تدعيلنا ان احنا حطينا على الارض ميه كتيررررررررر ووفرنا عليها

انها تملى ميه علشان تنظف الارض

والحمد لله فى شويه كتكيت افتكرو انهم يطلعو برجلهم اليمين ونقول (غفرنك )

بس على حمبوزو الظاهر اتلخبط ومكنش عارف يطلع بالرجل انهيه وقعد يطلع الرجل اليمين وبعدين الشمال

وبعدين العكس

وفى الاخر نط بالرجلين (والله بيعرف يتصرف)

مصطفى بقا احلى حاجه فيه انه اول مايدخل

لازم يخبط على الباب ويقول سلام عليكم ولو مسمعناهوش

يرجع يخبط تانى علشان نرد عليه السلام

وماما مصطفى بتقول انه بقا بيعمل كده فى البيت كمان

من اول الحمام لحد الكلاس على بالسرينه بتاعته بيقول

يااااااااااااااااميس ياميس لولو شوووووووفى

فتحت الباب الصراحه اتخضيت بحسب فى حاجه حصلت

لقيت الكابتن بيقول الحقى الزار انقطع

صوره جماعيه لكتكينا وهما مندمجين فى المذاكره

على بيهزز الطرابيزه وصحابنا بيلونو

كيمو الانتيمو(كريم الشامى ) قال له اسكت ياعلى صحابنا عايزين يلونو

هما كمان أنا لونت خلاص

وبما ان جت سيره كريم الشامى يبقا هقول لكم على السيره اللى بقاله اسبوعين بيقولنا عليها

(كل ما يشفنى انا وميس امل يقول مش انا كلت حمامه كااااااامله ودلوقتى هيا قاعده فى بطنى

وكمان والله الحمامه كان فيها رز)

بس حمبوزو نزل برده يهز التربيزه من تحت
مش بقول رئساااااااااء عصابه

كركر السكر وباسل بيقنعو فارس بحاجه كده.......... بس بلاش اقولها

بس الظاهرررررررر اقنعوه

نور وعبد الله

نور دايما بحس ان كلامها كله فيه حرف (ح)بتقولى

ميس الحام ,,عايزه الحوان (الوان يعنى )

تلووووووووووين

جارى التلوييييين

عبد الله و ق (قلم)

ميس امولكا جابت لكتكيتنا حاجه غريبه اوى بتكبر فى الميه على شكل اخطبوط

كانت صغننه خالص وكل يوم بنروح نلاقيها كبرت عن اليوم اللى قبله وباسل وعلى ونور بيتفرجو عليها

حمبوزو راكب بالمتشقلوب

كركر السكر وأخوه باسل

لما باسل يكون قاعد كركر بيقول للى جنبه قوم انا عايز أقعد جنب اخويا

وباسل نفس الحكايه كل صحابنا عارفين ان كركر اخو باسل وباسل اخو كركر

صوره عسسسسسسسسسسسسسسسسسسل ماشاء الله

محمد حموده انا بحب شقاوته اوووووووووووى

انا قلت قبل كده ان على حمبوزو وكركر رئساء عصابه

لا انا غلطت .........

المفتش كرومبو

على اكنه لسه وأخذ ترقيه من عقيد الى رائد

تعرفو اا بقيت مدمنه لحلقات كرومبو وبشتيرى اللبان والاستيكرات بتاعت كرومبو وحمبوزو من كتر مابحب على حمبوزو )

كركر السكر

.

.

عفوا أقصد كريم باشا (وأخذ نفس الترقيه مع على باشا )

باسل بيناقش ميس امل فى اقتراح عبقرى خاص ب بوزاره البيئه لنظافه الكلاس

بس بقا لان باسل اتكسف ... عرف ان احنا بنتكلم عليه

شيرين تخيلووووووووووووووووووو ياجماعه شيرين جت كام مره من اول السنه حوالى سبع مرات

ياماما انا عارفه انك بتشوفى المدونه لو سمحتى نامى بدرى علشان تقومو بدرى

مصطفى الحمد لله حن عليا انا وميس امولكا وقال انا لما اروح مصر هخدكم معايا

بنأخذ دش

سيف اللذيذ الرايق والله بمعدل كل يوم يقول ليا انا وميس امل غمو عنيكم انا معايا مفأجاه ويروح يفتح الشنطه بتاعته ويطلع منها

الكرنيه بتاعه ويقول ايه رأيكم بقاااااااااااااااااااااااااااااااااااااااااا

لايكل ولايمل ابدا ابدا من المفاجاه دى

حصه الطعام 0

الحمد لله معظم كتكيتنا حفظو دعاء بداية الطعام (اللهم بارك لنا فيما رزقتنا وقنا عذاب النار بسم الله

والحمد لله يعتبر عرفنا مين اللى بياكل ... ومين اللى بيأكل بطلوع الروح ...ومين اللى لو الروح طلعت مستحيل يأكل

كركر السكر قبل الاكل

كركر السكر ومحمد بعد الاكل

لما صحابنا يكلو يقولو لنا شفتو عضلتنا كبرت ازاى

اما اللى مش بيكلو بنقول لهم انتم هتفضلو تصغرو تصغرو لحد ما تبقو قد النمله والناس متشفكمش وتدوس عليكم

حكايه المفاجات دى وراثه فى الكلاس بتاعنا

ومفاجئتنا مختلفه عن اى مفاجاه موجوده فى الدنيا .....مفاجاتنا تتميز بالتكرار والمعرفه المسبقه

فارس بيقول لنا غمو عنيكم انا معاياااااااااااااااااا مفأجاه والعجيبه انه هوا كمان غما عينه

واحنا كمان غمينا عنينا

بدون تعللللللللللللللللللللللليق انا تعبت

نفسى فى مفاجاه بحق وحقيقىىىىىىىىى زى اللى بنسمع عنها فى التليفزيون

الملااااااااااااااااااااااااااااهى

فارس وعلى الجلاد وعبد الله

لما نقول يلا نعمل line علشان نطلع الملاهى كله بيجرى يقف عند الباب وعايز يقف اول واحد

مش عارفه ليه كله بيحب يقف الاول مع انى عمرى فى حياتى مكنت بحب اقف فى اول الطابور

يمكن علشان اعرف اتكلم براحتى

على حمبوزو عذب العصفوووره اللى ندمت انها فكرت تدخل الملاهى عندنا

كانت العصفوره واقفه على سلك فى السقف وهوا قاعد يصرخ بسرينته ويقول لها هتتكهربى انزلى ياعصفوره

فضل حوالى ربع ساعه متواصل ينادى عليها لحد ماكان نفسى تتكهرب وتريحنى

مصطفى وكركر وحمبوزو وباسل

كلاكيت تانى مره لانهم مكنوش بيضحكو