ايام زمااااااااااااااان

الحمد لله تم الحصول على شويه صور من موبيلات الميسات كنت مصوراها من زمان بس مكنتش اخذتها منهم

وعقبال يارب الممهات لما يبعتو الصور اللى عندهم (غريبه اوى مفيش حد عايز يكلم صحابه 30 دقيقه داخل مصر او دقيقه خارج مصر بالخمسه جنيه اللى كنت هبعتهالكم)

عارفين وانتم داخليين المدرسه هتلاقو صور متعلقه للPrimaryوالKG
وهما بيستلمو شهادات مسابقه القران الكريم

وطبعا مفيش حاجه بتبقى حلوه الا لما يدخل فيها الاصفر Yellow

الاحمرRed لوحده يصددددددددددددددددد النفس

وكان تحدى كبيرالبيبى كلاس هيحضرالحفله ولا مش هيحضر

وقلنا طبعا لازم يحضر نفسيتنا هتوجعنا لو محضرناش

كتكيتنا كانو منورين المنطقه كلها (وربنا يستر ونكسب التحدى )

تلاحظو ان النوع الغالب كله اولاد اما البنات كانو ثلاثه بس

الانسه رييييييييم رويتر الكلاس عملت عامله اليوم ده راااااائعه

كان كل المدرسه موجوده الميسات والمسترات والادارات والحسابات وكله كله

ام جت الست ريم باين كانت بتجرب صوتها فى الاماكن العامه

صرختتتتتتتتت صرخه الحمد لله لقينا كل اللى موجودين بيبص نحيتنا نظره تقدير

وريم تضحك

والانسه نور اخر يوم قالت لى انا مش عايزه أخذ الاجازه وانا هاجى تانى المدرسه

الانسه فاطمه بسم الله ماشاء الله بسكوته اوى بس لاسف كانت بتغيب كتير طول السنه

لو تلاحظو تلاقو كل كتكيتنا ظهرلهم حسنه بين عينيهم زى الهنود

حطيناها لهم علشان ميتهوش فى الزحمه

الكلاس اللى جنبنا (لو حد فاكر كان اسمه البنانا )

اياد ياسلام اسد واقف بيأكل السندوتش وعمر فعلا جينتل مان دايما حاطط ايده فى جيبه

وباسل (بسم الله ماشاء الله عليه هادى ورصين )

البنات بقا فى كلاس البنانا نصف الline

ثلاثى اضواء المسرح واقفين ورا بعض محمود وعاصم ومحمد خالد

كتكيتتنا واقفين يتفرجو على عرض ال Primary كانو عاملينه

لسه برده واقفيييييييييين بس تعبو

وبداءنا نفقد السيطره

كل شويه عايز اروح الحمام ياميس

عايز اشرب ياميس

انا نفسى اكل السندوتش ياميس (لو انهم عمرهم مطلبوها )

والظاهر ميس امولكا بتستجوب مؤمن عايز ايه بالظبط كل شويه يغير كلامه

والحمد لله كل اللى حوالينا فرحان بينا اوى ان احنا عاملين حس جامد للحفله

وكتير والله نصحونا ان كفايه علينا كده وندخل الكلاس احسنننننننننننن

بس لاااااااااااا يمكن لازم نكمل الاخر

المشكله ان كتكيتنا رجليهم وجعتهم وايدينا انا وامولكا وقفت من كتر مابنشيلهم

فقلنا يقعدو احسن (ريم بتقنع فاطمه ان الارض مريحه )

كتكيتنا لما صدقو كل واحد فرد رجله قدامه وكان ناقص يخلعو الشوز ونجيب ميه بملح

كان شكلنا جميل اوى كل اللى حوالينا واقفين واحنا اللى مريحين

وفى الاخر

..

..

..

..

كسبنا التحدى وسيطرنا على البيبى كلاس