ياجماعه كتكيتنا نجحو وتخرجو

مبررررررررررررررررروك لكتكيتنا نجاحهم فى البيبى كلاس والحق يتقال
كتكينا تعبو فى المزاكره جدا طول السنه
والبيبى كلاس حاجه مش سهله .. بس كان لازم يتعبوو علشان نحس بالنجاح
ونظرا لاهميه اليوم التاريخى ده فى حياه كتكيتنا هحكيه لكم بالتفصيل الممل
وطبعا اللى مبعتش الصور على الاميل فصدقونى خسر كتيررررررو كتير اوى كمان
واللى بعت الصور كسب كتيرررررررر اوى اوى
فاكريين يوم الحفله كنت بقول انه هيحصل حاجه مهمه اوى واتهمتونى انى هرجع فى كلامى وانى هركب قفل على الشنطه و....وغيرها من الاتهامات المريبه ربنااااااااااااا يسامحكم كنت ناويه اعمل ان ناسيه هديه ماما حمبوزو
بس بسبب اتهامتكم دى كنت لازم ادفع الخمسه جنيه علشان اثبت لكم العكس

ماما على مكنتش مصدقه نفسها فعلا لها حق متصدقش يلا حلال عليكى ياماما

وعلى فكره انا مرضتش اشحن لكى بالخمسه جنيه لانى قلت اديكى الفلوس فى ايديك احسن

جايز عايزه تشترى بيها حاجه مهمه لشلمى ولاتدفعى قسط من مصاريف مدرسه حمبوزو

اوعى تفتكرو ان الموضوع كان سهل عليا لاااااااااااااااااااااا

بس نعمل ايه بقا ,,,اهو بحاول انسى

جه الوقت اللى تقدرو تخذو الاجازه وانتم مطمنين على كتكيتكم انا عارفه انكم كنتم قلقنين علشان

لو كان فى دور تانى بعد الشر

بس الحمد لله درجات الرأفه كان عليها عامل كبيرررررررررررررررررفى نجاح كتكيتنا

.............................................

قبل الحفله بيوم مكنتش عارفه انام وكنت حاسه نفس احساس ان بكره العيد

بس الصبح مش عارفه الاحساس اتغير ليه حسيت انى ورايا امتحان فى ماده عمرى مفتحتها

وسبحان الله رحت لقيت امولكا بتقول لى (((انا قلقانه اكن ورايا امتحااااان )))

قلناااااااااااااااااا خيررررررررر

دخلت انا وامولكا الكلاس بتاعنا لقينا ارواب التخرج كنا اول مره نشوفها فرحنا بيها اوى

وقعدنا نستنى كتكيتنا

واستنينا

واستنينا

ونروح عند البوابه نشوف حد وصل ولا لسه

لحد ما الحمد لله ظهر اول كتكوت (وكان محمد امين ) وبعده ظهر باقى الكتاكيت

فى الاول كان كل واحد من كتكيتنا اول مايدخل

صممممممممممممممممت وذهول

ويببص لنا اكنه بيشبه علينا
وماسك فى ماما قلناااااااااااااا خيرررر

بس الحمد لله الازمه عدت وافتكروان ده الكلاس بتاعهم

و ان احنا ميسات فى المدرسه
وبعد شويه كماان افتكرو ان احنا الميسات بتاعتهم

على عثمان فى مرحله التذكرررررررررر

فاطمه بحبها اوى وهيا بتنادى على اسمى بتقوله بطريقه جديده وغرررررريبه

(بتحط تنوين بالضمه علي اللام)

عارفيين الاتنين دووول

محمد حموده وعلى الجلاد هما فى الحقيقه مش شبه بعض

بس فى الصوره دى حاسه انهم شبه بعض اوى

وللاسف الصوره الوحيده لمحمد ملحقتش اتكلم معاك يا محمد خالص يوميها ولا انت ولاعمتك هجووورتى

مصطفى بيورينى تذكره الملاهى للنادى بتاعت نفس اليوم اللى قبلته فيه هناك

فارس بيقول لعلى اتفضل فى الكلاس بتاعك بس على قال له لازم اروح الاول مكانى المفضل

يوم دراسى

يوم حفله

يوم تحرير طابا

متفرقش مع حمبوزو لازم يدخل ال bathroom علشان يفتح الحنفيه ويغرق الدنيا

صوره جماعيه

مفروض ان اللى كان يحصل ان ماما وبابا ييجو الساعه 11 ويوصلو كتكوتهم لحد الكلاس وبعدين يستنونا بره علشان نطللللع لهم بالمفأجاه ونلبسهم الروب بس كتكيتنا بجد عسسسسسسل وكانو فرحانيين جدا

و كل مانلبس واحد التانى يقلع ويقول ثقيل عليا يامييس وماشيين وهما موقفين رقبتهم علشان ميقعش منهم والله عسسسسل

و فى شويت ماما وبابا اتأخرو لحد الساعه 12 ووحده كمان وكنا والله خايفين جدا ان موووووكب الخريجين يطلع ناقص كتكوت ,,

كركر السكرررر وباسل كان مش قادر يصدق نفسه من الفرحه

وكانو عايزين يعملو زى الصوره دى

بس طبعا الفرحه مش للدرجه دى ,, دددددددددددددددددى عهده فى رقبتنا

كركر السكر بيقول لكيمو الف الف مبرررررررررروك

كيمو :الله يبارك فيك ياكركر ومبروك ليك انت كماااان

ياجماعه انا هعيط من التأثر يااااااااااااه للدرجه دى النجاح يفرح

الحمد لله ان مجهودنا وسهرنا الليالى مضعش على الارض

الله اكبررررررررر ولا اكنهم وخدين الدكتوراه

عمار العسل اخو كركر السكر بداء يغيروقال مش معنا هما

فجاب شهاده لنفسه هوا كمان

بسم الله ماشاء الله عليهم حقيقى انا فرحانه بشكلهم اوى

صوره جماعيه

الانسه فاطمه والانسه شيرين وعلى و (فارس وهوا مربع ايده )

كريم الشامى (كيمو )وعلى حمبوزو

وفارس مش عارفه واخذ الموضوع بجد كده ليه ده عمره ماقعد كده واحنا فى الدراسه

باسل راح الملاهى وهوا بالملابس الرسميه بحس انه زى الراجل اللى لبس بدله ولبس عليها كوتشى

كريم الشامى بزمتكم شوفو بيبص ازاى فعلا مقتنع ان بابا رئيس دوله

شيرين الخررررريجه فعلا تعبت طول السنه جت سبع مرات يانااااس ودى التامنه

والف شكر ياشيرين على الوردتين بتوعى انا وامولكا

على عثمان دمه عسسسسسل هوا واخوه ماشاء الله بيوحشونى اوى وان شاء الله نتقابل قريب فى النادى يالوله

مؤمن بقا من ضمن الكتاكيت اللى وجعو قولونى من كتر التأخير

سيف باااااااااشا

احمد الحسينى يستحق فعلا لقب خررررررريج هوا كمان جه خمس مرات طول السنه

حااااااااااااااااااااااااسب ياعلى شهادتك هتقع

مش قلت حاسب اهى وقعت

ياسل بيقول لصحابنا يلا بقا نطلع اصل ماما وبابا مستنينا بره

واحنا ورا المسرح قبل مانطلع

وجااءت اللحظه الحاسمه

انا معرفتش اقف اصور بالمعدول لان الدنيا كانت زاحمه يعنى انا متأكده ان فى مليون صوره بالمعدول لكتكيتنا وهما على المسرح فياريت وانا زهقت من كتر مابقول ياريت تبعتو الصورر بللللللللللللللللليز وياكلاس يابنانا ياحبيبى انا عايزه الصور علشان اشوفها وانشرها لانى مشفتش غير كام كتكوت من البنانا

ريييييم مش عارفه كانت الفرحه جايه عليها بسكووووت كده ليه وتوما وكركر السكر

مش عارفه برده انا كنت بضحك اوى كده ليه مع ان كتكيتنا كانو بينامو سعتها

على مكنش رادى فى الاول يطلع وبعد كده الحمد لله ربنا فرجها وكانو باقى صحابنا نزلو خلاص

والكابتن سيف جه فى اخر فينتو ثانيه قبل ما ننزل من على المسرح مع ان ماماااا ميس داليا عارفه المواعيد

فارس صمم انه يشم الورده اللى شيرين ادتهالى بس الظاهر خلته عايز يعطس

بعد ما نزلنا من على المسرح وخلعنا الروب وسلمنا العهده وكله تمام قعدنا نتفرج على باقى الفقرات

نفس البصه ياكيموووووووووووووووووووووووووووووووووووو بيقولو لما تكون البصه من فوق لتحت بتكون استهزاء ومن تحت لفوق بتكون تقدير ياترى ياكيمو بتبص ازاى

فارس بيقولى لى صورينى وانا نايم زى( سما ومازن ) وعلى حمبوزو فعلا كان لاوى بوزو

اوائل Primary

واخر فقره كانت العرائس والاراجوز

وانا بقول لكم اهوت انا طلع عينى لما الصور اتحملت بقالى يومين بنشرها يعنى ياريت اللى يتفرج عليها يكتب رقم 1111111111