مدرستنااااااااااااااااااااااااااااااااااااا المدينه للغات 
شفنا كتكيتنا من فوق وهما فى حصه الالعاب
فنزلنا نصورهم 
مؤمن بيتعلم العجله 
وطبعا طبعا سيف مبيحبش يتقيد بأى حصه حتى لو كانت العاب وبيشجع دايما اللعب الحر 
سيف بيكلم الناس حداهم فى البلد بالمحمووووول (الوووووووو ايوه )
وعمر سايق الباص وطالع بيه على البلد 
شله البنات بالترتيب (ديمه ,فاطمه,جنى بنت خاتها ,رؤى)
عمر ويوسف الصواف ووراه فارس اللى نسانى خالص واللى حسابه عندى تقل اوى وجنبه كيمو ابن رئيس الدوله 
عبد الرحمن وفاطمه وديمه 
انا حاسه انى فى مدرسه ثانوى من دلوقتى بيطلعو من على السور 
ودى حصه الالعاب بس فى الكلاس التانى 
الكلاس اللى لنا فيه محمد وعبد الله ومحمد حموده وكركرالسكر وعلى حمبوزو 
مسابقه جرى بين عبد الله ومحمد 
وبين كركر ومحمد وحمبوزو 
كانو بيلعبو ماتش بس اتقلب خناقه على مين اللى هيمسك الكوره 
وكركر وعبد الله مكنتش فارقه معاهم المكسب او الخساره بس على اتأثر جدا وكتم دموعه والصراحه صعب عليا فخليته
يعيد الجون تانى
والحمد لله صدق ان فريقه هوا اللى كسب
بس كركر الفرحه كانت زياده شويه فمصدقهاش
ولو سمحت ياجماعه عيزاكم تساعدونى فى حاجه
يعيد الجون تانى 
والحمد لله صدق ان فريقه هوا اللى كسب 
بس كركر الفرحه كانت زياده شويه فمصدقهاش 
ولو سمحت ياجماعه عيزاكم تساعدونى فى حاجه شبكه الانترنت اشتكتنى ورفعت عليا قضيه علشان التعليقات بتاعتكم عامله ضغط ومعدش فى مكان فى الانترنت
فياريت ارجوكم ارجوكم
تبطلو تعلقو على المدونه كفايه علشان منضرش اكتر من كده
اه صحيح نسيت اقول حاجه كمان
الصوره الاولانيه بتاعت المدرسه داليا اللى هيا ماما سيف هيا اللى مصوراها بدل ما اتعلق يوم الاحد
%5B1%5D.jpg)
هناك 16 تعليقًا:
ايه النشاط ده..بس هي ميس داليا بس هي اللي بتصور..............انت اللي بدأتي والبادي اظلم.
منا كاتبه على الصوره دى لانها الصراحه تعبت فيها جدا
الاستاذه مامت سيف راحت خبطت على الجيران وقالت لهم ممكن اصور من بلكونتكم نوبكم ثواب
اول حاجه بقول لاياد كل سنه وانت طيب يا اياد وعقبال مليون سنه معلش جت متنأخره شويه
الصور جميله جدا اكيد عشان داليا اللى مصورها ادائك قل يا الهام بعد ما طلعتى فوق وبقيتى كسوله
انتى جايه دلوقتى تقولى كل سنه واياد طيب ده خلاص دخل الجيش
وماااااااااشى يا ابله امولكا بقيت كسوله مهو طبعا مفيش حد يطلع عينى زى مكنتى مطلعهوملى
مالكيش دعوه بينا انا واياد هو عارف غلوته عندى اما حكاية مطلعه عينك فبذمتك مش نفسك فى يوم من ايام البيبى كلاس واطلع عينك بجد ده غير انى عامللك حس فى المدونه
طبعا نفسى ولو ساعه حتى
اناوانتى وكتكينا واغنيه قال الارنب لامه
ياااااااااااااااااااااه والله كانت ايام حلوه اوى
ايه رايك نعيدها تانى نخلى كتكينا يلبسو الاصفر وتسيبى مدرستك دى يوم واحد ونقعد فى البيبى كلاس يوم كامل
ونراجع لهم المنهج
ياااارب الحلم ده يتحقق
اما بالنسبه لانك عامله ليا حس فى المدونه فانا خلاص معمتش محتاجه حس
انا بعمل المدونه دى لنفسىىىىىىىىىىىىى
وانت طيبه يا امولكا.....وبعدين هي وصلت من غير حتي ما تقوليها....من القلب للقلب رسول رغم انف الحاقدين...وحشتينا يا امولكا...
اصحي يا الهام المنبه ضرب....الحمد لله انه كان حلم ليكي..يارب كتاكيتنا ميحلموش بيه علشان ميصحوش مفزوعين
هي معمتش دي فعل ولا صفه ولا لاتيني.
حتى العربى محتاجين كورس فيه
ياااااااااااربى هفضل اعلم لحد امتى
(معمتش (مبتداء مرفوع بالضمه)
وبعددين ايه اللى خلاكى تصحينى خلينى اكمل حلم
مبتداء بنت عم منتهاء....
ازيك يالولووازيك ياامل وحشتونى اخباركم ايه بعد اجازة الولادطبعا مفتقيدنهم
ايادكل سنة وانت طيب وعقبال مليون سنة
لولو اوعى تقولى ان المدونة ليكى لوحدك لاء احنا كلنا معاكى بس الظروف والله عندى ضغط شغل جامد جداجدا
لولو هى امل سابت المدرسة ولا ايه؟
كل سنة وانتم طيبيين سنة سعيدة علينا جميعا
صحى النوووووووووم ياماما مؤمن
امولكاسابت المدرسه واشتغلت فى الحكومه من زمااااااان
ايه منتش ملاحظه ان المدرسه ليها طعم من غيرها
وانتى اللى عامله ايه فى البلاد الشقيقه
يااااااااااااااااارب يوفقك وترجعى لمؤمن بالسلامه
شكرا على الصور اللي تجنن يا ميس لولو:)
بالمصادفة السعيدة كنت معدي من هنا وشفت الصور الجميلة اللي عجبتني جداً
وأحب أقول للي عنده أو عندها عيد ميلاد كل سنة وانتم طيبين
وأسجل إعجابي بجمال وتنسيق المدونة
تحياتي
إرسال تعليق