السبت، 28 فبراير 2009

هقول الحقيقه !!!!

انا قررت أقوووووووووووووووووووووووووووووووووووووووووووووول
على حقيقه اللى بيحصل فى الكلاس من غير ما أنقى الصور زى كل مره
وعلى فكره احترت جدا فى موضوع الصور ده
مره أقول هبدأ بصور كلاس ال Apple ومره أقول هبدأ بكلاس الBanana
وطبعا لو بدأت بكلاس الAppleهتقولو عليا انى متحيزه للكلاس بتاعى ومش منصفه ومش عادله و......

ولو نشرت الصور كلها مع بعض هنتلخبط زى يوم الصوره دى
فعلشان كده هبدأ بالكلاس بتاعنا ال Apple طبعاااااااااااااااااااااااااااااا

welcomeعندناااااااااااااااااااااااااااااااااااااااااااااااااااااااااااااااااااااااااااااااااااااااااااااااااا


اكثر الصور اللى هنا صحابنا مش وأخدين بالهم بس على أخذ باله




لوحه الشرف بتاعت كتكيتنا

الناس اللى بيسمعو الكلام الصوره بتاعتهم بتكون مظبوطه
اما اللى مش بيسمعو الكلام بنقلب الصوره بتاعتهم
فعلشان كده لما تدخلو الكلاس بتاعنا فى اى وقت هتلاقو اكثر الصور مقلوبه على ظهرها
بس دائما فى ثلاث زبائن دائمين بينقلب صورتهم علطول أقول اسمهم ولا بلاااااااااش


كريم عريبى ومحمد حموده وعمته هاجر ومؤمن


لكل واحد أمنيه فى حياته نفسه يحققها صح ,,انا امنيتى اللى بتمنى من ربنا أنها تتحقق
ان الكراسى تفضل مكانها ولو ساعه واحده


صوره جماعيه



دى حصه القران الاستاذه زهراء ماسكه ودان واحد واحد وموصيانى اقول لكم لازم كل يوم
قبل ما كتكيتنا ينامو تراجعو معاهم القران



عبد الرحمن ياسلااااااااااااااااااام لما كنت بحسب انه هادى وكان كل ما اى حد ييجى يقول لنا عبد الرحمن زقنى او قعد مكانى استعجب وأقول لاطبعا لايمممممممممكن انتم أكيد بتضحكو عليا عبد الرحمن عمره ما يعمل كده
بس خلاااااااااااااااااااااص ده كان أيام زمان دلوقتى بقا ممكن وستين ممكن


الحاج كريم الشامى واقف على سجاده الصلاه بتاعته وكان عازم الاستاذه ريم عليها وكنت مصوره العزومه كلها فيديو ونفسى تشوفوه فييو مضحك جدا بس الفيديو عشان يتحمل على المدونه محتاج حوالى خمس ساعات على الاقل


كررررركر السكر وعلى ومصطفى بيلعبو القطااااار بالكراسى أكثر لعبه بيلعبوها فى الكلاس



الف سلامه لباسل وكركر يارب يكونو حالتهم أتحسنت دلوقتى عن ما اتصورو الصوره دى



صحابنا بيضربو ميس أمل بالمسدسات ولازم نعمل ان احنا متنا قدامهم علشان ينبسطوووووو

الصوره دى كل واحد فيها فى عالم لوحده



سيف اللذيذ الررررررررررايق أكون واقفه جنب الدرج بتاعه ينادى عليا من أخر الكلاس
يقول لى تعالى ياميس هنا هقول لكى على حاجه
أقول له نعم ياسيف يقول لى لا هاتى ودانك هقول لكى سر أحسب ان فى حاجه سر فعلا ولا حاجه ومش عايز حد يسمعه يقووووووووووووووووووووووووووووول لى ( روحى يامس عند الدرج هتلاقى زمزميه هتيها وتعالى علشان عطشاااان )
أقول له مكنت تقول لى وأنا هناك ياسيف المهم أروح علشان أجيبها ينادي لى وأنا فى نصف الطريق يقول لى تعالى يالولو (بعتبار أن احنا صحاب يعنى من غير ميس ولا حاجه )أقول له نععم يا سيف يقول لى لالالالالافى ودانك ده سر
اقول له تااااااانى يقول انا بتكلم بجد تعالى
اررررروح تخيلو يقول لى أيه (متنسيش تقفلى الدرج )ااااااااااااااااااااااااااااااااااااااااااااه يااااااااااااااااااانى

شيرين وجه جديد عندنا من أول التيرم التانى وعلى عثمان وعبد الله
اسكتووووووووووووو مش أنا حلقت شعرى عند عمو هانى اللى تحتهم
وعمو الحاج أدى لعلى جنيه هو وعمرو أخوه بس دودو وقع نفسه من البلكونه وعمو الحاج زعل منه
واسكتوووووووووووووووووووووووو
بابا اللى جاى أنهرده يأخذ على مش عمو محمود هو انتم معرفتوش ولا أيه ده بجد والله مش هزار ماما اللى قالت كده
هو أنتم معرفتوش مش احنا نقلنا بيت جديد
دى بعض المختطفات اللى على بيقولها واحلى حاجه انه بيقولها بطلاقه منقطعه النظيررررررر
بجد زى العسل يا على ماشاء الله



كريم الشامى وفاااارس الاتنين حكااااااااااااااايه
والاثنين بيشتركو فى حاجه واحده النوووووم والتأخير الصبح وينضم لهم الكابتن على حسين
فاااااااااااااارس الطفل النجيب عندنا والمنبه بتاعنا وعليه مصطلحات بيعبر بيها رائعه
مثلا (ادمر ,شنيعه )وغيرها من الكلمات المريبه حقيقى أنا بحبه جدا هوا ومامته
كريم الشامى هيجننىىىىىىىىىىىىىىىى
مره بسلم عليه ومسكاه من ايده بص بطرف عينه ورفع حواجبه وقال (انتى ماسكه أيدى ليه انا عندى حساسيه من الفراوله )اموت وأعرف ايه اللى جاب الفراوله للموقف ده
ومره لقيت الداده بتضحك اوى وهيا واقفه مع كريم قلت لها فى ايه
قالت انا بقول له أزيك قال لها اسكتى انا عندى حساسيه من الفراوله وفى أخر اليوم تخيلو لقيته بيشرب!!!!! عصير فراوله
عبد الله ومحمد التوائم
من أوائل أنصار قناه طيور الجنه ومعاهم باسل دويدار وكركر السكر ومصطفى طه وعبد الرحمن
كانو هما اللى فى المدرسه كلها بيقولو عايزيين قناه طيور الجنه
والحمد لله دلوقتى انضم لهم فى حزب طيور الجنه (نور ,مؤمن ,على حسين ,مصطفى الشعراوى ,محمد امين ومحمد حموده )وباقى الكلاس عادى مفيش فرق عنده بين spacetoon وطيور الجنه
ومن الاغانى اللى بيحبوها فى طيور الجنه

http://www.youtube.com/watch?v=sj0K_Fv5vXQ

حمبوووووووووووووووووووووزه لاوى بوزه




كريم وسيف بيضحكو بنفس اوى شكلهم بيجملونى



فى مواقف كتكيتنا بيعملوها فى الكلاس حقيقى بضحكنى انا وميس أمل جدا وبنفضل نفتكرها ونحكيها
وبنحاول نمسك نفسنا قدامهم لان فى حجات منها غلط




ريم رويتر الكلاس بتاعنا
تقول (ميس امل رايحه تجيب الزمزميه لنور, ميس أمل بتدى الزمزميه لنور ,
نور شربت من الزمزميه ,ميس الهام ماسكه منديل وهكذا طول اليوم اكنها بتوصف لحد كفيف ايه اللى بيحصل فى الكلاس )
وحش الشاشه فارس باشا


الصوره دى عاديه صح ؟؟؟؟؟؟؟

طيب ركزو كده فى الشوز اللى لابسينه
خلصنا صلاه لقيت الكباتن خلعين الشوز بتاعهم ولابسين الشوز بتاع هاجر



صحابنا بيحبو اوى يعملو نفسهم تعبانين وبيكشفو
واحلى حاجه ان صحابنا بيتقمصو الدور ويقعدو يقولو لبعض اتصل بالاسعاف بسرعه وهات الحقنه


متتخضوش بس محمد حموده كان بيستعجلهم علشان يجيبو الاسعاف بسرعه


مفأااااااااااااااااااااااااااااااااااااااااااااااجاه


دى بقا المواقف اللى قلت لكم عليها والله كنت مش قادره امسك نفسى من الضحك
كانت مفأجاه جامده اوى


محسسنى ان الكلاس غرقان ميه وخايفين البنطلون يتبل

مؤمن ومصطفى


مصطفى ونور ومحمد امين وعلامات التركيز ظاهره عليه

فتيات الكلاس نور وريم وشيرين
الكابتن سيف
عبد الرحمن ومصطفى الشراوى
صوره جماعيه


بنبقى فرحانين اوى انا وميس أمل لما صحابنا بيقعدو يمسكو القلم ويلونو بنحس ان احنا بنستعد لامتحان اخر السنه

محمد سمير بيراجع قبل مايدخل اللجنه



محمد ومحمد


عبد الله وعبد الرحمن



وطبعا الحلو ميكملش ,,,,ده مصير الشيتات فى الاخر


الاكل وكتكيتناااااااااااااااااااااااااااااااا
فى كتاكيت بتطلب الاكل من نفسها
وفى كتاكيت بتستنى تنزل لها داليا من فوق (داليا مامت سيف علاقات عامه فى المدرسه )
وفى كتاكيت بتفضل ماسكه الاكل وخلاص .......وأول ما تقول لهم يلاااااااااا
بيعملو انهم بقطعو من الساندوتش


فمكنش قدامنا غير طريقه واحده وخاصه لفارس وحمبوزه
ربطنا رجلهم ومعرفوش يجروووووو منا... ميس امل مسكت فارس وأنا مسكت حمبوزه



على ماسك فارس علشان ميس امل تأكله
وعلى قعد يقول الحقنى يا بابا شوف عاملين فيا ايه ,,وبيتنطط هو وفارس حسسونا ان احنا بنأكل قرود

الصوره دى وهما بيحاولو يقومو وهما مربوطين والله يوم رائع
ممكن أطلب منكم طلب عايزين طبق
متفهمنيش غلط يا ماما اياد طبق فاضى مش مليااااااااااااااااااااان
علشان نعودهم يكلو فى مواعيد و بأيديهم اليمين ودعاء الطعام وهكذااااااااااا متنسوش ضرورى
..............................................
رساااله خاصه لكلاس البنانا
شفتو علشان خطركم بدأءت بكلاس ال apple اهوت
علشان متظلمونيش بس <<<<
وان شاء الله خلال يومين بالضبط هتنور صور كتكيتنا فى البنانا على المدونه

السبت، 21 فبراير 2009

صحو النوم !!!!!!!!!

السلااااااااااااااااااااااااااااااااااام عليكم
اخيرا عدنا وعلى راىء ماما اياد (هشيل العنكبوت اللى على المدونه )وهبدأء ان شاء الله من جديد وهقول لكم كل حاجه كتكيتنا بيعملوها فينا من بعد ما رجعو من الاجاااااااازه اللى ياريت ما كانو اخذوها لان اضرارها كانت اكثر من نفعها وهتحكمو بنفسكم لما تعرفو ...وطبعا زى متعودتو منى على الاخبار الحمضانه اللى بعد الهنا بسنه واخيررررررررررا هتشوفو صور الرحله
الرحله كانت فى الاهرامات وماجيك لاند وهايبر 1

يوسف بعد ماوصلنا عند الاهرامات


وكريم باشا مع ميس امل (وفرحته بالرحله ظاهره على وشه )

كركررررررررررررررر السكررر وعلى حسين والشهره (حمبوزه لاوى بوزه)فى ماجيك لاند

كركر السكر راكب العربيه اللى انا وميس امل ابدعنا واحنا راكبينها ,,,


انا ركبت مع تقى بنت خالت باسل وتقى سبحان الله برده بنت خال كركر
وميس امل ركبت مع باسل
المهم خير اللهم اجعله خير ركبنااااااااااااا وياريتنا ما ركبنا الراجل قال لى البنزين فى اليمين والفرامل فى الشمال
بدأءنا والحمد لله لقيت نفسى بعرف اسوق وماشيه سرررررريعه ولسه بقول لتقى ايه ده انا طلعت بعرف اسوق اهوت
وقبل ما اخلص الكلمه شفت تراب وشميت رائحه بنزين واكتشفت انى مش حاسه برجلى
والراجل جه علطول وقال لى مضغطيش على الفرامل ليه !!!!!!!!
اكتشفت بقا ان الفرامل عندى انا مش عند تقى فى الكرسى التانى
بس العيب من الراجل لانه موضحش كلامه من الاول
المهم نزلت انا وتقى لقيت امل حالها من حالى بس باسل كان بيعيط



كركر وعلى وبابا على مع الدوليفين ومعاهم بنوته مش عارفه اسمها ايه


الصراحه كده كريم وعلى مطلعوش معانا الرحله يعنى صور متفبركه
بس هما طلعو بعدينا بكام يوم فقلت انشر صورهم مع صور صحابهم علشان ان شاء الله لما يكبرو ويشوفو المدونه
يتخيلو انهم طلعو معانا فى نفس اليوم

محمد خالد واقف مع مامته ومش هيعرف يشوفه غير اللى نظره سته على سته يعنى انا اساسا مش شيفاه
كريم بااااااااااااااااااااشا ياسلام حد قدك ياكيمو (بيتعامل فعلا انه ابن رئيس دوله زى ما بيقول )

الحمد لله محمد خالد عرفنا نشوفه
ابوووووووووووووووووووووو الهول


تقى والبطل باسل راكبين مع ( جيم جمل) والله فعلا بطل ده انا كنت ميته من الخوف وانا ركباه والجمل كان هيوقعنى
بس مسكتلهوش ومتهيقلى هيحرم يركب حد تانى فوق ظهره او بمعنى اصح مش هيقدر يركب حد تانى بعد كده

الاميره (جنا ) اخت باسل راكبه هيا كمان الجمل الصراحه انا بحبها جدا هيا وتقى واحلى حاجه عجبتنى فى تقى انها كانت خايفه جدا بس مبينتش لجنا وباسل انها خايفه وقعدت تقول لهم امسكو فيا ومتخفوش
باسل دويدار وكريم الشامى



تقى وسيف اخوها وجنا وباسل اخوها



كريم ومروان اللى واقف جنب كريم ولابس بنطلون اسود (واكيد كل اللى جه مدرسه المدينه يبقى عارف مين مروان اللى فى كيجى 1 الطفل الوحيد فى الدنيا اللى تلاقيه فى مكانين فى وقت واحد من غير سحر ولا شعوذه اكون فى الملاهى الاقيه هناك اروح الكلاس بتاعنا الاقيه برده هناك سبحان الله )بس الحمد لله ربنا اخذ لكل الميسات حقهم والرحله اللى قبل ديه القرد كان مصمم يخلع لمروان هدومه اه والله



الاخوه مع (ألف ارنب )




كتكيتنا داخليين ملاهى الصغنطتين اللى فى ماجيك لاند



كتكيتنا دخلو الملاهى بس الشاحن خلص ومعرفتش اكمل باقى اليوم وبرده معرفتش اصور يوسف غير صوره واحده ولااسف برده معرفتش اصور (ديمه فتحى )لانى مشفتهاش طول اليوم غير لما الشاحن خلص
بس الحمد لله كان يوم جميل ويااااااااااارب كل اللى كانو معانا فى الرحلتين اللى فاتو يجى معانا الرحله الجايه
وكل اللى مكنوش معانا يكونو معانا الرحله الجايه ان شاء الله