اجازتى خلصت الحمد لله

لما كتكيتنا يكبرو ممكن ينسو اسماء بعض صح!!!!! ,
تخيلو مثلا لو ابن واحد من كتكيتنا عايز يروح يكشف عند دكتور مشهور
وكان الحجزلازم قبلها بشهر,,, وطلع الدكتور المشهور ده كان واحد من كتكيتنا
فيقول بابا للممرضه قولى للدكتور (صاحبك من كلاسapple عايز يكشف لابنه )فالدكتور بتاعنا يقول لها
دخليه بسرررررررررررررررررعه ..
ولو كان كتكوتنا ضابط ومحفظه واحد من كتكينا ضاعت!!!
صاحبنا الضابط يجبها له من تحت الارض فى ثااااااااااااااااانيه
ولو واحد من كتكينا عايز يبنى الشركه بتاعته فكتكوتنا المهندس يبنيها له بأسمنت مش مضروب
وهكذاااااااااااااااااااااااااااااااااااااااااااااااااااااااااااااااااااااااااااااااااا
يعنى من الاخر ان شاء الله كل مشاكل كتكيتنا لما يكبرو تنحل من البيبى كلاس
ولو انا او امولكا عايزين نعمل طقم سنان بدل اللى وقع (حكم السن بقا )عند كتكوتنا دكتور الاسنان يعمله لنا وعليه سنتين وضرس هديه
اشكال كتكيتنا طبعا هتتغير بس الاسماء هتفضل مش هتتغير فعلشان كده ان شاء الله هكتبها علشان الزمن
هكتبها بترتيب الصورررررررررررررررررر
1_شيرين اشرف محمد نوح
2_فاطمه الزهراء محمد البرادعى
3_احمد محمد الحسينى
4_مؤمن احمد صديق
5_على محمد محمد عثمان (لوله)
6_كريم الشامى (كيمو)
7_كريم احمد عبد المنعم عريبى (كوكو)
8_على حسين محمد اسعد المنشاوى (حمبوزو)
9_ريم محمود سيد بهجت
10_محمد محمود امين
11_كريم محمد رشدى العليمى (كركر السكر )
12_مصطفى الشعراوى
13_محمد احمد حموده (دقدق)
14_محمد سمير اسماعيل الجبالى
15_عبد الله سمير اسماعيل الجبالى
16_باسل مصطفى عبد الرحيم دويدار(بيسو)
17_فارس محمد صبحى
18_نور محمد عليوه
19_مصطفى احمد طه طايل
20_سيف عمرو محمد بلتاجى
21_على ابراهيم الجلاد
22_هاجر حموده شحاته
23_عبد الرحمن علاء شعبان
امل محمد فتحى دويدار ****** الهام مجدى فؤاد حجازى



lovely baby

يشهد ربنااااا انا قد ايه حبيتكم وكانت من اجمل ايام حياتى اللى قضتها معاكم
والحمد لله انه خلانى ميس على اجمل اطفال فى الدنيا
وربنا يعينى طول الاجازه لحد أما اشوفهم تانى ان شاء الله

اجاااااااازه

كتكيتنا انهرده أخذو الاجازه رسمى وكان يوم حلو اوى هنتكلم فيه بالتفصيل ان شاء الله

بس انا كمان هأخذ اجازه من المدونه شويه لانى تعبانه ومضايقه و................

اشوفكم على خيربأذن الله ولما ارجع ممكن الاقيكم بعتين لى كل الصور بتاعت الحفله

ELHAME_1987@HOTMAIL.COM

سلاااااااااااااااااااااااااااااااااااااااااااااااااااااااااااااااااااااااااااااااااااام

يوم الخميس اللى فات

رحنا النادى يوم الخميس وشفنا كتكيتنا وهما بيعوموويعوموو ويغوصو ولا اكنهم مولودين فى الميه

والصور المره دى على الناشف وان شاء الله المره الجايه وكتكيتنا فى الميه... واللى جه يوم الخميس

الكابتن سيف

وعلى حمبوزو

ومصطفى الشعراوى (بس الصوره دى فى الكلاس لانه طول اليوم كان فى البسين

والمدرب بتاعه كان شديد شويه كل ما اكلمه يقول له ركز يامصطفى بعتبار انه فى حصه فيزياء

وعبد الرحمن وكانت اخته منه برده بتدرب فى البسين

وكركر السكر

وباسل (وتقى وسيف ولاد خالته نوسه ) بس برده معرفتش اقعد معاهم و اصورهم

مش علشان المدرب لا المدرب بتاعهم كان سهل بس لانهم مشيو بسرعه بعد التدريب

والفراشه بتاعتى جنى اللى اعرفها قبل ما عارف باسل اخوها يعنى صحاب من زماااان

وعمار العسل ....كركر هو اللى سماه كده قال لى انا كركر السكر وعمار عسل وانا بقول انهم شرباااااااات

شلمى قصدى سلمى اخت على حمبوزو (على بيقول شلمى بتناكفنى ) هيا برده يارئيس العصابه

الكابتن سيف مدرب السباحه المعروف

كركر وعبد الرحمن بيقربو من الخط البرتقالى

(الراجل اللى كان واقف كان كل شويه يقول اوعو تقربو من الخط البرتقالى )

فقال مفيش فايده وراح اشتكى للمدرب

فطبعا الكابتن اتنرفز عليهم وكان هينزل لهم

بس جريوووووووو فى اخر لحظه

عبد الرحمن حقيقى فرحنى كان مقابلته حلووووه اوى وضحك لما شفنا

ودايما بحس ان كتكيتنا بيستغربو لما يشوفو الميسات بره المدرسه يعنى مثلا فارس قبل كده بكلمه فى التليفون قال لى انتى فيين قلت له انا فى البيت استغرب اوى وقال لى هوا انتى لكى بيت ياميس

كان باين فاكر ان احنا بنام فى المدرسه

حمبوزو بيقول لعمو رشدى انت لابس تيشرت زى بتاعى !!!!

كركر السكر ماسك الميدليه بتاعتى بس سبحان الله طلعت المحفظه فى ايديه

كركر مغرم بحاجه اسمها مفاتيح لدرجه الادمان

باسل شاف بابا بيجرى فى التراك

وكان عايز ينط !!

وكركر السكر شافه وطلع هوا كماااااااان

بس الحمد لله امولكا وجيجى لحقوه وقالو له الدنياااااا حلوه بلاش تتسرع استنى واحنا هنزلك

وتيتا بوجى (تيتا كتكيتنا باسل وكريم وجنى وتقى وسيف )

نزلتهم مع امولكا وجيجى لبابا باسل

والكابتن بيطمن انهم نزلوووووو بالسلامه

على بيقول لعبد الرحمن وسع لى شويه انا عايزه اتفرج

واتفرج على مبارات السباق اللى تحت

بابا رافع باسل على كتفه وجنى بتحاول تشوف طريق مختصر تحصلهم منه

والظااااهر كركر تعب والشمس كانت حاميه

فقال طلعوووونى تانى

كتكيتنا قالو عايزين نطلع زى الMonkey

قلت الحمد لله انهم فاكررين حاجه من المنهج

اما سيف بقا فكان حكايته حكايه يقول تعالى اجرى ورايا يالولو من غير ميس وولا اى حاجه

ومره داليا بتكلمنى فى التليفون قال لها انتى بتكلمى الهام قالت له ايه الهااااااام

من غير ميس قال لها اه مش احنا خلاص خلصنا المدرسه !!!!!!

كان نفسى نصور كل كتكيتنا فى صوره واحده بس كل ما نوقف حد التانى ينزل
والبركه فى تيتا بوجى مسكت لنا اربعه من كتكيتناااااااااااااااااااااااااااااااااااااااا

وان شاء الله رايحيين تانى بكره الجمعه 22/5 الساعه 4 ويااارب كل اللى مجاش ييجى

حفله تخرجنا

ان شاء الله مستنينكو يوم الاحد 24/5 الساعه 11صباحااااا
علشان كتكيتنا نجحو الحمد لله وهيتخرجو من البيبى كلاس
وعلى فكره هنلبس روب التخررررج علشان يبقى تخرج رسمى

مبرررررررررررروك للفائزه

الف الف الف مبروك للفائزه معانا فى مسابقه مين اللى بعت الصور الاول
بالجائزه الكبرى شحن هوائى ب (5جنيه..خمس جنيهات مصريه )

انا مش عارفه ايه اللى خلانى اتسرع واحدد الجائزه بالقيمه الكبيره دى

بس نقول ايه طيش شباب ودفعت تمنه غالى اوى

عايزين نسأل الفائزه هتكلم مين بالشحن ده ؟؟؟؟؟؟

وهتتكلم تقول ايه ؟؟؟؟؟؟؟؟؟

وكان شعورها ايه لما عرفت انها الفائزه ؟؟؟؟؟؟

ودلوقتىىىىىىىىىىىىىىىىىىى هنقول اسم سعيده الحظ اللى الدنيا ضحكت لها
ماما مى (ماما على حسين والشهره حمبوزو )

لو ان نفسيتى الايام دى تعبانه اوى اوى اوى منه بس نعمل ايه الحق حق والمسامح كريم

النووووووووووووووووووووووم

بما ان احنا نايمين من فتره انا نايمه وانتم نايمين والمدونه بقت تجيب الملل والتعليقات بتنش
فقلت اجيب موضوع ينيمنا كمان وكمان

فى يوم برده كتكيتنا طلعو المكتبه علشان كان فى غياب كتير

وطبعا كااااااان بيبقى مستحيل لو الكلاس كله طلع فى وقت واحد

ميس امولكا بتحكى لكتكيتنا حكايه ميشو فى القفص

عمرى عمرى مشفت كتكيتنا مركزيين اوى كده محمد سمير ومصطفى فى حاله تأمل

اما محمد امين فى حاله تنويم مغناطيسى

وسيف مستنى يعرف نهايه القصه

بس الحمد لله النهايه سعيده

سيف ومؤمن والله ضحكتهم تجيب التفائل

مصطفى (اللى ضحك علينا وقال انا جاى النادى يوم الخميس ومجاش)

محمد حموده وحشتنى اوى يااااااااااااه لو يرجع يوم واحد من شقاوتك

من ضمن اهداف القراءه انها بتساعد الطفل على النوم

والحمد لله الهدف بداء يتحقق

على عثمان بيتاوب وسيف بيدعك فى عينه وكركر السكر سكت الحمد لله (يوميها كل ما نبداء كلمه من القصه

يقول ارفعولى الكرسى لحد ما خلا صحابنا كلهم يعوزو هما كمان يرفعو الكراسى )

ريم بتاكل فى المكتبه الحمد لله ميس يسرا مشفتهاش

لو ان احلى ساندوتش كنت بأكله وانا صغيره كان سندوتش حصه المكتبه

لحد ما الميس زهقت منى خالص وفى يوم جابت اخرها وطلعت وقفلت عليا بالمفتاح كانت فكرانى هعيط باعتبار انى طفله وهخاف لو قعدت لوحدى

دخلت بعد ربع ساعه لقتنى ماسكه تلات قصص وبقول لها انا عايزه استعير دول فى البيت

مش فاكره بالضبط ايه اللى حصلها بعد كده بس انا سمعت انها استقالت لانها جالها الضغط

الصفوف الاماميه مركزه (محمد وهجورتى وريم )

اما محمد امين فبيصحى على عثمان لانه خلاص نااااام

كركر السكر بيتمطع

تصبحو على خيرررررررررررررر

فقلنا ننزل فى الكلاس ننام برحتنا على المرتبه وسبنا المكتبه فاضيه

و لحد دلوقتى فااااااااااااااااااااااااااااااضيه