امتحان بحق وحقيقى

ياجماعه فى امتحاااااااااان فى كلاس الapple الاسبوع الجاى ان شاء الله

يعنى عايزيين مذاكره 24ساعه فى المدرسه مرااااااجعه وفى البيت مراااجعه
مفيش زيارات مفيش خروج مذاكره وبس

الامتحااااااااااااان مفهوش غش ولا وسطه بأذن الله كل كتكوت هنسجل له بالصوت وهوا بيسمع

علشان لو حد قدم طلب تظلم او كشف على النتيجه

وبرده علشان ماما تسمع الكتكوت بتاعها وهوا بيسمع لان فى شويه من كتكيتنا معتبرين ان ممنوع يقولو المنهج فى البيت !!!!المدرسه وبس

وبأذن الله توزيع شهادات التقدير للأوائل يوم حفله عيد الام قدام كل الموجودين

وهيتصورو وهما بيستلمو الشهادات وصورهم تنزل على المدونه يعنى من الاخرهيبقو مشاااااهير

>>>>>>>>>>>>>>>>>>>>>>>>>>>>>>>>>>>>>>>>>>>

الامتحان فى كل اللى اخذناه من اول يوم لحد دلوقتى
الرابط ده فيه جزء من المنهج

http://babyclass.blogspot.com/2008/11/class-class-9-9-9-10-class-class-aapple.html

وباقى المنهج :_

عين يعنى eyes

فم يعنى Mouth

انف يعنى Nose

صباح الخيريعنى Good morning

احمر يعنى Redا أصفر يعنىYellow

اخضر يعنى Green ازرق يعنى Blue

برتقالى يعنىOrange ابيض يعنىWhite

اسود يعنى Black

My family

النونو يعنى baby

جدو grand father

تيتا grand mother

اوعى ياتيتا تزعلى دى صوره تيتا برررره اما احنا فى مصر تيتا بتاعتنا كلها شباب

D(dog)

E(egg)

F(fish)

G(glass)

H(hen)

I(ice cream)

j(jam)

وحروف اللغه العربيه ;_

ج (جمل )

ح(حمامه)

خ(خروف)

د(ديك)

ذ(ذيل)

ر(رمانه)

ز (زرافه)

س (سمكه)

ش (شوكه)

احلى حروف الكلام هيا حروف كلمه ماما

كل سنه وانتى طيبه ياماما

متخفوش مش هتعدى التهنئه كده ان شااااااااااااااااااااااء الله فى حفله قريب اوى وان شاء الله هقول لكم على ميعادها لما يتحدد بالضبط بمناسبه عيد الام
وهتيجو نشوف كتكيتنا هيعملو ايه فى الحفله

وربنا يخلى كل ام لكتكيتها ويخلى كل كتكوت لمامته

مش طابا اتحررت

الف مبروك ياجماعه بمناسبه تحرير طابااااااااااااااااا
انا عارفه انها جت متأخره شويه عشرين سنه ...بس برده الف مبروك
المهم فى اجازه يوم الخميس فى مدرسه المدينه والجامعات بسسسسسسسسسسسسسسسسسسسسسسسسسسسس

كلاس البطيييييييييييييييييييييييخ

مش تبركولى ياجماعه مش أترقيت فى المدرسه وبقيت مدرسه لكلاس البطيخ
ده بقا احلى كلاس فى المدرسه ياااااااااااااااااه الحمد لله كنت ايه وبقيت ايه

ربنا تاب عليا من كلاس الابل وكلاس البنانا حاجه ايه مش هقدر اوصف لكم المعاااناه اللى كنت فيهاااااا
ورغم انى مشغوله جدا مع الكلاس الجديد بتاعى فأخذ من وقتى الثمين دقيقتين علشان اقول لكم نصيحه لوجه الله

طبعا كلكم مش عايزين كتكيتكم

لما يكبرو صحابهم يتكلمو من وراهم ويقولو ياعينى ده مامتهم وباباهم مكانوش بيكتبو لهم فى المدونه

وطبعا مش هوصف لكم شعورهم ساعتها لانكم اكيد متخيلينه

ومهما لو عملتو مش هيقدرو ينسو انكم مكتبتوش لهم على المدونه بتاعتهم

وكمان شهيتهم هتتأثر فى الاكل

وممكن يتعبووووووووووو بس علشان متقولوش انى بقول كلام مش منطقى

ممكن يكون التعب تغير جو برده

سلام الدقيقتين خلصم خلاص

كلاس البناناااااااااااااااااااااا

كلاس البنانا جيرانا وبما أن الرسول صلى الله عليه وسلم وصى على سابع جار
والصراحه هما نعم الجار
نستلف منهم قلم ,قصه ,ساندوتش ,ميس مروه ,ميس مى ,
أهم بينفعو برده ولو ان التليفزيون بتاعهم بسم الله ماشاااااااااء الله معدول عن بتاعنا (لان السلك بتاعنا كل شويه يتحرك من الهوا )بس طيبين وغلابه مع أن فيهم شويه كتاكيت طالعيين من عينى بس حلال عليهم
واكثر حاجه بتجننى منهم انهم بيحبو الكرتون وبيخلونا نقلب عن طيور الجنه بس لازم نرضى بقضاء ربنا
وبعد كل ده علشان بس تعرفو ان أحنا طيبين ختمنا بصورهم علشان يكون ختامه مسك

اما بالنسبه لماما وبابا كلاس الappleفالف شكر حقيقى انا مش عارفه اشكركم ازاى ده انتم خليتو رقبتى قد السمسمه قدام كلاس البنانا ,,ايه بس التعليقات الكتير دى

ربنا يقدرنى واعرف ارد جزء من جمايلكم اللى مغرقااانى لحد أما هموت من الغرق الصراحه

ديمه ويوسف ومحمود ياسمين ومحمد خالد قاعدين على دكه الاحتياطى

يارب استرها معانا ونأخذ الكاس المره دى

يوسف باشا عليه ضحكه بسم الله ماشاء الله تجنن وأول ما اقول له اسمى ايه يقول ميس بابا

بحبه أوى وهوا بينادي كده

مش عارفه ليه الكلاس ده مش معترف بأسمى خالص

حمزه العسل حقيقى دمه ظريف جداماشاء الله وتحسى انه بيضحك من قلبه لدرجه ان عينه ممكن تدمع من الضحك افتكر فى أول السنه (لما كنا مع بعض )كان بيعيط زى صحابنا كلهم كانو بيعيطو فبقول له بابا هيجى بعد الظهر بشويه صغيرين

يقول لى مين اللى عرفك قلت له عارفه كمان اسم بابا ايه وكمان اسم جدو ايه

وقلت له على اسمائهم

استعجب جدا وحسسنى ان انا زكيه زكاء احمد زويل مع انه كان لسه قايل على اسمه بالكامل والله الاطفال دول أحلى

ناس نتكلم معاهم

بس مش عارفه ليه من أول ما حمزه عرفنى وهوا بينادينى ......

بميس فرخه

الظاهر حكايه تحريك الكراسى عدوه منتشره فى البيى كلاسين

لارا الاميره النائمه دائما ماشيه ماسكه ايد ميس مروه وميس مى تحسى انها بسكوته
عايزه تتاكل اكل

ديمه وسلوى ورنيم ومحمد ومحمود

ساره واللى مدينا ظهره ده أياد (اخذنا ايه من ....لما يدينا ...)اكمل النقط

محمد خالد بسم الله ماشاء الله عليه موهوب فى التلوين بيحب يلون جدا

لينا عمرى ماشفتها خلعه الشانطه دايما لبساها

فرح.. ولو تلاحظو ان البنات هنا أكثر من عندنا بكتير وكمان تحسو انهم هادين اوى

عاصم وأيااااااااااااااااااااااد الى واقف متحفز ده

أياد ده ببقى حببته جدا لما أكون فى الملاهى وبعد كده تحسى انه يعرفنى نفس معرفه بنت عم جارت خالت مامته

لارا وديمه

صوره جماعيه للمرسم

محمود واقف عامل نفسه هادى وهوا أسسا من مؤسسين لعصابه (جنن ميساتك )

أياد وعاصم برده من نفس العصابه

محمد خالد بيحاول يضم عمر ويوسف للعصابه

نجح للأسف

ربنا يستر كل صوره فى زياده لعصابه جنن ميساتك

فى اوقات زيارات بين appleوbananaهما بيجولنا او احنا بنروح لهم لتلطيف الاجواء ولمناقشه جميع المجالات

تحسو فى الصوره دى انهم فعلا رئساء دول الجنتل مان عمر واللذيذ الرايق سيف ومبعوثه السلام هنا

صوره تذكاريه للمؤتمر

فاطمه الزهراء دى بقا تبعنا فى كلاس ال apple بس هيا بتغيب كتير للأسف

ومتصوره فى كلاس البنانا يوم الاحتفال بميلاد اخو سلوى فى البنانا

سلوى ومحمد خالد يوم الميلاد بس للاسف الصور الباقيه اتمسحت

ديمه وفرح وزهره شباب المدرسه اياد

بيسو وباسل كان نفسى الاتنين يتصورو جنب بعض بس الكابتن باسل كان بيتفرج على مصارعه بين نملتين

تحت رجله

مره من المرات القليله اللى طلعنا فيها الجنينه فعشان كده تلاقيهم فرحانين اكنهم كانو فى محبوسين

يااااااااااااااااااربى كان يوم رهيب كل المدرسه كانت بتجرى ورا كتكيتنا علشان تحبسهم تانى

ميس بابا على الفيل

اما نشوف مين اللى تعليقات الكلاس بتاعه هتكون اكتر

وربنا يستر وميكونش حال البنانا هوا نفسه حال الابل سعتها هروح اكتب عن البطيخخخخخخخخخخخ