baby class الكلاسين بتوعنا 
وطبعا ده الكلاس الجديد بتاعنااااااااااااااااااااااااااااااااااااااا وعلى فكره انا تعبت اوى اوى فى تنزيل الصور دى لان النت بطىء جدا جدا جدا لدرجه انى قلت انى هعتزل المهنه من كثر البطىء اللى شفته فى تحميل الصور فيااااااريت يا ماما وبابازى العاده طبعا تكتبو فى التعليقات
ونداء هام لماما اياد صور يوم ميلاد اياد لسه موصلتش ياريت تبعتيها تانى
او هجيب لكى فلاشه تحطيها عليهم احسن مااااشى ؟؟
(فى نوعيه من البنات لازم لهم طريقه معامله للحفاظ على مشاعرهم )ريم بقا من البنات الرقيقه دى 
على عثمان دمه زى السكررررر بس هو كان غايب يارب يرجع لنا بسرعه الف سلامه ياعلى 
مصطفى ومؤمن وعلى 
بيضحكو للكاميرااااااااااااااااااااااااااااااااااااااااااا بس مش عارفه حاسه ان الكاميرا هيا اللى ضحكت عليهم 
مصطفى احمد طه ماشاء الله هادى ورقيق جدا 
رئيس العصابه على حسين (عليه سرينه تخرم الودااااان )
بعض افراد العصابه فارس وكريم وعلى وعبد اللهدائما يقفو وراء الباب واكون بره انا او الميس امل وميرضوش يدخلونا ونفضل نزق وهما يزقو
بس الحق يتقال فارس مش معاهم فارس بيكون بيدافع عننا جوه ويحاول يقنعهم ان احنا لنا بعض الحق فى دخول الكلاس
الحمد لله والشكر لله اخيرااااااااااا نجحنا وعملنا طابوروكل صحابنا وافقو يقفو فيه بس اثنين بس هما اللى عمرهم موقفو فى طابور المدرسه على عثمان وعلى حسين
على عثمان بحس انه مستهيف الطابوروالكلام بتاع العيال الصغيرين ده
اما على حسين دايما ييجى متأخر ساعه او ساعه ونصف رااااايق اوىىى
باسل مع ميسسسسسسسس امل 
مش عارفه صحابنا كان مالهم فى الصوره دى !!!!
اجتماع على مائده المفاوضاتمش عارفه كان مؤمن بيقول لهم ايه بالضبط
اموت واعرف؟؟وأول ماقربت منهم سكتوووووووو
الصورده دى بقاانا قلت لهم اعملو اى حركه علشان كان قصدى يعنى ان الصور تكون مختلفه عن بعضها
بس خير اللهم اجعله خير مش عارفه ايه اللى حصل لهم
بحب اشوف الصوره دى اوى 
باسل المتفائل وكركر السكرر ررر
محمد سمير بيجرب المرتبه الجديده
تخيلو الثنائى دول يقربو لبعض ايه ؟هاجر تبقى عمت محمد !!!! اه والله
محمد وعبد الله وهنا ومحمد وعمته هاجر 
هما نفسهم بس غيرو الاماكن 
%5B1%5D.jpg)
هناك 14 تعليقًا:
الصور الجديده جميله.
على فكره انا معجبه جدا بباسل شكله لمض ده غير طبعا رئيس العصابه مؤمن باشا على فكره مؤمن اشتكالى من اياد(انه بيخوفه وبينزل الملاهى من غير الشوز والشراب).اما بالنسبه لمحمد وعمته هاجر اكيد بقوا من مشاهير المدرسه انتو ما بتصدقوا.لكن انا حسه ان فى تحيز للاولادعن البنات عايزين صور للبنات كفايه كده على الاولاد.فين التوك والشعر والحاجات الرقيقه دى.
ماما اياد جت ماما اياد جت ماما اياد جتتتتتتتتتتتتتتتتتتتتتتتتت
طبعااااااااااا لازم اعمل احتفال وتشجيع وتحيه للعضوه الوحيده الدائمه فى المدونه على فكره ياماما اياد انا بفكر اديكى الباسورد بتاع المدونه
والله تستحقيه عن جداره
اما اى ماما وبابا تانيين فانا خلاص زعلانه منهممممممم ومش هكلمهم تانى ابداااااا ابداااااا بثتثناء بعض الماما
ماما فارس وماما مؤمن (لو انهم اختفو تانى )
ماما اياد اوعى تزعلى منى انا كا معايا الفلاشه يوم الاحد بس معلش كان فى حفله فوق
بس ان شاااااااء الله يوم الثلاثاء علطول لان صور اليوم ميلاد مفروض كنت انشره من زمااااااان كده اياد ويوسف هيخلصو السنه الرابعه
باسل ده ماشاء اللله عليه زى السكر
اما حكايه مؤمن واياد فنفسى اعرف نشأت ازاى
اياد فى كلاس ومؤمن فى كلاس تانى مؤمن يروح عند اياد يجى من غير الشووز ولا الشراب الله اكبر عليك يا اياد تأثيرك سررريع
مؤمن يدخل عندنا الكلاس يستلم الرايه فى الكلاس الجديد
اااااااااااااااه تصورو انا عرفت مؤمن على مائده المفاوضات فى الصوره كان بيقنعهم بايه ربنا يستر
اما بالنسبه للبنات فعندنا عجز جامد اوى تخيلو 11 بنات على 33ولد !!!!!!
شكرا يا ميس لولو على التحيه دى.لكن ردى على المدونه ماهو الا اعجاب وتشجيع لافكارك الجديده.. بجد يا جماعه ميس لولو من المدرسات النشيطات وبجد بحب اشوفها جدا وسط الاطفال وعلى فكره طبيعيه جدا مش بس اداء واجب.
على فكره اوعى بعد الكلمتين دول تشوفى نفسك علينا.
اما بالنسبه للبنات فأنا أطالب بوضع صوره للبرنسيسه لارا.انا معجبه برقتها اوى.
اما بالنسبه للعلاقه اللى مابين اياد ومؤمن فتقريبا ما جمع الا ما وفق.
انا كنت بحاول اقنع مامةمؤمن ان مؤمن هادى لكن انا اعتذر بشده عن هذا الرأى لأن لو مؤمن هادى مكنش صاحب اياد.
السلام عليكم معلش يامس لولومؤمن وماما مؤمن كانوا تعبانين واتاخروا عليكم فى التعليقات بس الغلط مردود ,مس امل كانت اشتكتلى من مؤمن بعد العيد وقالتلى انه بقى عندى معاها ومش بيسمع الكلام عايزة اعرف الوضع ده لسه مستمر ولا اتحسن بعد اجازة التعب والعلاج ,قوليلى بقى ايه موضوع قلع الشوز ده والشراب كمان ربنا يستر على باقى الهدوم ده كان بيحكى لماما اياد فى التليفون عن طرائف اياد دلوقتى انا عرفت ان مؤمن كان بيبلغها علشان تعرف ان الفكرة عجبته وناوى يشارك اياد فيها
شكرا جداً يا مس لولو (حلو قوى الأسم الجديد ده) على الصور الجميله دى و أحنا عارفين أن احنا مقصرين جدا فى التعليقات بس انت عارفه اللى فى القلب مش كده ولا ايه و على فكره جنى بتسلم عليكى وصور باسل جميله قوى ده أنا ما أختش له صور بالجمال ده
ماما ايااااااااااااااد بتعرفى تزرغتى
ماما مؤمن وماما باسل رجعو بالسلامه
عقبال الباقى يارب
والف شكر ياماما اياد عى الكلام الجميل ده لو انه والله زياده عن حقى كتير
وصوره البرنسيسه لارا هحطها ان شاء الله وكمان سوره يوسف الصواف وباسل امجد علشان ماما وبابا ميزعلوش (بس والله هما بيغيبو اكثر الايام اللى بكون بصور فيها )
ماما مؤمن الف الف سلامه عليكى وعلى مؤمن
اطمنى ياما مؤمن زى العسل والشقاوه بتاعته احنا حبينهاوبداء يرجع تانى هادى بستثناء (عدى معايا)
1_خلع الشوز والشراب
2_علاقته مع رئيس حمله خلع الشوز العاميه (اياد) ويارب ميعملوش لها فرع تانى لباقى الهدوم زى مابتقولى ياماما
3_ لما الباب ينفتح بتاع الكلاس تلاقى حاجه كده طارت لبره خير اللهم اجعله خير طبعا مؤمن ويفضل يجرينى انا والميس امل المدرسه كلها بس الحمد لله بنمسكه فى الاخر
4_كفايه كده عليكى ياماما انهرده ونكمل عد المره الجايه
ماما باسل منورررررره الدنيا انتى وباسل وجنى وشفتى بقا انا بدأت اساسا انسى اسمى الحقيقى (الهام)
وياماما باسل براحتك خالص اتأخرى فى التعليقات زى منتى عايزه ساعه؛ ساعتين ؛يوم لكن زياده عن كده......مش عارفه هعمل ايه
والحمد لله ان الصور عجبتكم واحلى حاجه فى باسل حركاته فى الصور مثلا يقف بجنب ويقول لى صورينى يمسك ودانه ويقول لى صورينى والله زى العسل ربنايبارك لكى فيه يارب
وسلام كبيرررر جدا لجنى وقولى لها وحشتينى جدا وان شاء الله هشوفها قريب واوعى تنسى ياماما تقولى لها انى كنت عايزه اكلمها بس كانت نايمه
يا مس لولو شوفى صورة باسل و هو صغير من يومه و هو رجل أعمال
السلام عليكم إزيك يامس لولو وإازى مس أمل يارب تكونوا بخير ويباركلنا فيكم,الصورة بتاعت طاولة المفاوضات عجبنى التعليق بتاعها قوى قوى حضرتك بجد يامس لولو دمك زى السكر زى إيه ده سكر بالخصوص إن مؤمن بجد شكله كان منهمك وبيدبر مصيبة ربنا يستر بقى وتكون عواقبها هوينة ,بس ماتنسيش تبقى تكمليلى بقيت العد
ماما باسل عارفه انا عندى صوره لباسل وهو قاعد فى الملاهى تشوفيها تحسى ان هو وزير مش رجل اعمال
ماشاء الله
ماما مؤمن عارفه لو صورت اجتماعات مؤمن كلها مش هتكفى المدونه
قولى لمؤمن كفاااااااااايه اجتماعات
إرسال تعليق