الله اكبر كبيرا

كل سنه وانت طيبين ويارب السنه الجايه يكتب لنا  ربنا كلنا الحج 

وان شاء الله طول العشر ايام نكبر ونحمد الله لانها احب الاعمال الى الله فى  العشرالاوائل  من ذى الحجه 

http://www.youtube.com/watch?v=f_cC1nAvOhg&feature=related

كتكيتنا بقو ديوك

كتكيتنا بقو ديوك.....فى كل حاجه 
لون اللبس  ....والشخصيه  حسه انهم اتغيرو كتيرررررر فعلا بقو رجاله  
لما كنت انا وامولكا بنعلق زينه البيبى كلاس قلنا عمرنا مهنشيل لوحه الشرف بتاعت كتكيتنا ابدا  وعلقناها فى نصف الكلاس 

رغم ان لوحه الشرف الجديده قالو ان شكلها احلى بس والله فى نظرى انا وامولكا مفيش احلى من كتكيتنا 

كتكيتنا لما بقو ديوك اتوزعو على ثلاث فصول كلاس فيه على عثمان (لوله اللى غايب بقاله كتير )مبتجيش ليه ياعلى ؟؟؟؟

وكلاس فيه  

الانتيم على حمبوزو وكركر السكر اللى لما الميس تقعدهم بعيد عن بعض كل واحد فيهم بيلوى بووزو 
وده الكلاس بتاعهم 
ومعاهم محمد حموده وعبد الله ومحمد التوائم وكمان معاهم محمود ويوسف من كلاس البنانا 
فى اول السنه لما كنت انا وامولكا فى البيبى كلاس نلاقى فجاه الباب انفتح علينا وحد من الاحمرررين داخل ويقول انا عايز اللبس اصفرyellow واقعد معاكو والله بنكون طايرين من الفرحه ونقول ياريت كانت نتيجه السنه اللى فاتت لم ينجح احد ونرجع تانى مع بعض 
كركر السكر فى كلاس الاصفرين وميس امولكا كانت خلاص هتعيط 

وحشتينى اوى يا امولكا والمدرسه ملهاش اى طعم من غيرك 

اتنين من ريحه كتكيتنا 
ياسمين  انا بحبها اوى اخت ريم بس الصراحه يعنى بحب ريم اكترشويه صغننين 

وعمر ابن عمته حمبوزو وساكن مع كركر السكر فى نفس العماره لما نعوزو يسمع الكلام 
نقول له هتروح عند كركر وعلى ,,بيفرح اوى وانا بحبه اوى اوى 
والكلاس الثالث بقا فيه كل باقى البيبى كلاس الابيل والبنانا 

سيف السنه دى حاسه انه بقا واحد تانى شخصيته كبرت جدا ماشاء الله لو تفتكرو السنه اللى فاتت كنت بقول انه بيكلمنى اكنى واحده صغيره السنه دى بقا محسسنى انى عجوزه وبخرف ومش فاهمه اى حاجه 
وحبيب قلبى اياااد باشا وبيسووووو 
ديمه ومؤمن (مؤمن ده والله تامر فيه العشره جدا كل ما ادخل الكلاس بتاعهم يجرى من مكانه  ويحضنى حضن زى السكر 
احمد ومحمد امين ومحمد خالد وسيف 
قسم البنااات ريم ولينا مهو طبعا لازم فصل القوات عن بعضها لان خلاص ديوكنا بقو فى سن حرج 
مصطفى الصغنن وعبد الرحمن بقو اهدى اتنين فى الكلاس 
الجنتل مان عمر ويوسف (ميس  بابا او ميس فرخه حسب مزاجه بيناديلى بأى  اسم فيهم )مع ميس منى وعلى فكره ميس منى علطول بتبعت معايا  السلام 

الاميره النائمه لارا 
فارس باشااااااااا وكيمو الحمد لله الحمد لله غير بصته لياااااااااااا 

طبعا طبعا زمنكم دلوقتى بتقولو صمنا صمنا وفطرنا على كام صوره تتعد على الصوابع بس والله بقا صعب ادخل لكتكيتنا فى الكلاس كتير لانهم بيذكرو ليل ونهار ولو دخلت عليهم الميسات بيدعو عليا لانهم بيقومو من مكانهم ويفتكرو اياااام اللعب وعدم  المسئوليه

وخايفه اقول لكم قريبا قريبا تانى احسن تتخنقو منى بس ان شاء الله قرررررررريبا نصورهم فى كل الحصص وفى الملاهى ونصور اللى متصورش 

 

عدنا

انا رجعت المدرسه تااااااااااااااااااااانى

بس حصل تغيير فى المهن بقيت فى الشئون الماليه فى الاداره

وحشتونى اوى اوى

ازيكم كلكم وحشتونى والله ويارب تكونو كويسين وكتكيتنا مبسوطين
وهما لبسين اللون الاحمر اللى بمووووت فيه زى منتو عارفين وانا الحمد لله رحت يومين قضتهم مع كتكيتنا بس المشكله ان ليا مواعيد معينه ادخل فيها يعنى مش زى زمان بس كووووويس ارضى بقليلى
وانا صورت شويه من كتكيتنا بأعجوبه لان معدش سهل زى زمان كل شويه موجودين فى كلاس مختلف فلسه هكمل بقيت الصور ان شاء الله
ومتزهقوش منى لانى كل شويه اقول قريبا قريبا بس ان شاء الله قريبااااااااااا هنزل الصور
بس انا انهرده نشرت صور لحضانه اسمها دار لقمان هيا بتاعت ميس هند اللى معانا فى المدرسه فاكرينها هيا وميس جيجى بتوع الماليه ايوووووون اللى كانت بتدينى المعلوم كل اول شهر
انا رحت شوفت الحضانه والصراحه عجبتنى قوى وقولت انشر صورها علشان أخوات كتكيتنا اللى لسه مدخلوش المدرسه او لكتكيتنا فى الاجازه هيا من سن سنه ل6 سنين

صور الكلاس

توم بيتعلم ازاى يربط الشوز بتاعه زى اللى فى اللوحه

كلاس الأزرقين

كلاس الأحمرين

وكمبيوتر علشان يتفرجو على الكرتون وفيديوهات طيور الجنه

القوضه دى بقا علشان البيبى الصغنن علشان ينام فيها براحتو

دقدق وبندق متعلقين

ولو حد عايز يستخبا يدخل هنا

و احلى جاجه عجبتنىىىىىىىى حمام الكور

عمو الدولفين لسه واخد الشور بتاعه وقاعد على البلاج

قوضه الالعاب

وبحيره سمك علشان كتكيتنا يجيبو الغذاء لماما وهما مروحيين

هيركب فيها ان شاء الله الطفل المشاغب يفضل بقا يتمرجح براحتو فوووق

وكوره السله علشان مباريات كاس العالم

دار لقمان فى20 شارع يوسف الصديق مع عثمان بن عفان

وكمان اللى عايز يستفسر على حاجه نمره التليفون بتاعت الحضانه 0128305165

لعله خير

فى ملك كان له وزيرحكيم وكان الوزير كلما أصاب الملك شيئا كان يقول لعله خير !!!!

وفى يوم من الايام خرج الملك والوزير لرحله صيد وهما فى طريقهما وقع الملك فى حفره عميقه ونزف من يده دما كثيفا واتفق الاطباء على قطع اصبعه حتى لايضر الجسم ولكن

الملك غضب ورفض الا ان أصبعه لم يتوقف عن النزف فقرر ان يخضع للاطباء

الوزير قال للملك لعله خير

فغضب الملك غضبا شديدا" وقال له اين الخير فى ذلك؟؟؟!! وامر جنوده بالقاء الوزير فى السجن

ومر وقت طويل والوزيرفى السجن

وخرج الملك فى جوله من جولاته لكن وقع فى اسر جماعه من الناس يعبدون الاصنام وارادو ان يقدموه قربان للاصنام

ولكن عندما وجدو اصبعه مقطوع تركوه لانه لايصح ان يكون قربان لألهتهم

الملك رجع القصرولم يصدق نفسه انه نجا وطلب من الحراس ان ياتو له بالوزيروحكى له واعتذر له ولكن قال له عندما امرت ان تسجن قلت لعله خير فما الخير فى ذلك ؟؟؟؟؟؟

قال لو انك لم تحبسنى لكنت انا قربان الأصنام بدلا منك وان الله عندما يأخذ من الانسان شىء فانه يكون اختباروخير ولو ان اصبعك لم يقطع لكنت انت القربان ففرح الملك فرحا شديدا وقال بيقين لعله خير

وانا بقول انا كمان لعله خير

فى الاول لما السنه خلصت وكتكيتنا راحو كيجى 1 قلت لعله خير

هشوفهم فى لbreak

ولما دفعتنا اتفرقت قلت لعله خير

ولما مالقتش الدفعه الجديده زى دفعتنا قلت لعله خير

وبردو لما حصل ظروف واستخرت انى اسيب الشغل قلت لعله خيرررررررررر

بس فعلا اللى متأكده منه ان إن شاء الله السنه اللى اشتغلتها كانت فعلا خيررررر وكانت من احلى سنوات حياتى بمعرفتكم

ويارب تقبلها منى وأدخلنى من باب الجنه السابع (الفرح :خاص للذين يدخلون الفرح والسرور على الاطفال )

يلا سلام استودعكم الله الذى لاتضيع عنده الودائع ابدا وان شاء الله المدونه دى تبقى اول موقع كتكيتنا يشوفوه اول ما يكبرو ويفتكرونى بالدعاء

يوم ميلاد حمبوزووووووووو

كل سنه وانت طيب ياحمبوزووووووووو

ويااااارب أشوفك مهندس سيارات قد الدنيا لان الصراحه هيا دى الشغلانه الوحيده اللى لايقه عليك

رحت بيت حمبوزولقيت كل حته فيها عربيه ماما بتقول شويه وهنشيل العفش علشان نحط بداله العربيات

و لما كنا فى المدرسه كان أكتر الايام لازم يجيب معاه عربيه متهيقلى كانت عنده اهم من السندوتشات

اخر ايامنا فى البيبى كلاس

احم احم الواحد مش عارف يبداء منين ؟؟؟؟ الظاهر انا نسيت الكتابه بقالنا كتير اوى سايبين المدونه .......

كل سنه وانتم طيبببببببببببببببببببببببببين والله وحشتونى جدا ونفسى من زمااااااااااااااااااااااااان انشر الصور دى

بس نعمل ايه ادى حال الدنيا

هما خليط من الصور ملاهى على منهج على طابور على باص

اول ماكنا نقول يلا على الملاهى كنا نلاقى كتكيتنا كلهم هجوم على الباب وكل واحد عايز يلحق يقف الاول

باسل بيقول انا اللى مسكت الباب وحمبوزو ونور قالو علينا وعلى اعدائنا مش هتخرجو غير لما نقف الاول

ومحمد و عبد الله علطول بكلمتهم المعهوده ( هطخك بالطاخ )

والله كانت زكرياااات جميله

انا اقف على الباب علشان محدش يجرى ويسبقنا على الملاهى وامولكا بتخرج باقى الكتاكيت من الكلاس

لو تلاحظو ان ريم كانت هيا اللى استقر عليها الأراء انها تقف الاول بس مش عارفه كيمو هوا اللى وقف ليه مكانها

يمكن اكمن هوا ابن رئيس الدوله

من الحجات القليله اللى حمبوزو كان بيسمع كلامنا فيها لما بنقول كل واحد يمسك فى اللى قدامه

بس حمبوزو مسك بزمه اوى فى التيشرت بتاع كركر السكر

سعات بقول لنفسى هوا ليه اكتر الصور اللى بصورها لكتكيتا وهما مش واخدين بالهم

فقلت اجرب اخليهم يخدو بالهم

نفس البصه يااااااااااكيمو اررررررحمنى
الحمد لله التجربه دى متكررتش كتير لانى بحس ان كل كتكيتنا بتتلوى رقبتهم

ويضحكو الضحكه الشريره نياهيك نياهيك نياهيك

كتكيتنا كانو مستنين الشيتات علشان يلونوها

بس الظاهر اتاخرنا عليهم فنامو شويه

صوره جماعيه

باسل بيصحح الواجب ,,

فى حاجتين كان كتكيتنا لازم يعملوها وبيفرحو اوى بيها

وان شاء الله الدفعه التانيه هنبذل اقصى جهودنا علشان كتكيتنا ميقولوش لهم على الحاجتين دول

قطر بالكراسى

وحمام السباحه

كلهم يقفو وينزلو المرتبه وبعدين يحوطوها بالكراسى

ويعومووووووووو (يعنى الحمد لله مدربين علشان لما ينزلو البسين الحقيقى السنه الجايه ان شاء الله )

استنو كده ريم وعلى حمبوزو بينادو علينا علشان الظاهر حد وقع فى البسين

ياااااااااااااااااااااااااااااااااااااااااااه ربنا يستر ده كريم الشامى

ايه ده على نزل ينقذه استرها ياااااااااارب

الحمد لله الحمد لله جت سليمه والف الف شكر ياعلى على موقفك البطولى ده

بس السؤال

مين اللى زق كيمو ؟؟؟؟؟؟؟

كوكو بيشاور على هجورتى ويقول هيا السبب وكل صحابنا بيأكدو على كلامه

على لوله بيدى كيس هديه لكيمو ويقول له حمد لله على السلامه

حوار ساخن من قلب الاحداث

كيمو بيحكى لجيجى على شعوره تجاه الحدث وبيوجه شكر خاص

لكل من وقف جنبه وبيأكد على براءه هجورتى وبيقول انه هو المسئول مسئوليه كامله عن ماحدث له لانه كان نايم

صوره من الاحتفال بسلامه كيمو

على الجلاد بسم الله ماشاء الله الوحيد اللى كان اول الحاضرين فى حصه القران

الاستاذه زهراء مسكت باسل وبتسمع له

الاستاذه زهراء بتمسك واحد تانى

صور وكتكيتنا جايين الكلاس او ماشيين

كيمو جااااى

عبد الله ومحمد جااااايين

شيرين وعبد الرحمن ماشيين

فى اخر السنه كان شويه كتاكيت بس اللى بيحضرو واللى كان بيحضر

كان بيمشى مع اخواته اللى فى كيجى بعد مايخلصو امتحان

وكان أخر تلاته (باسل وكركر وعلى )

الزحليقه اتعطلت فعلى بيصلحها

كركر بيجربهاااااااا

تلاتى اضواء المسرح بيحمو الدولفين باسبراى التلج (عملو انه صابون )

الدنيا كانت حر فحمبوزو حط صابون على شعره

وراااح يأخذ شور

وكل شويه هاتى ياميس صابون لسه عايزن نستحمى

نعيمن ياكركرررررررررررررر