نتيجه الدور التانى ظهرت

الحمد لله فى السراء والضراء وكويس برده مش وحش ياممهات كلاس البنانا
اهم حاجه ان كتكيتنا نجحو مش شرط دور اول ولا تانى ...أهم حاجه انهم نجحو ده احنا ماصدقنا

والحمد لله كتكيتنا تأقلمو مع الوضع ورؤى بتبارك لأياد

وميمنعش انهم يطلعو على المسرح ويخدو شهادات رغم انهم ......... ناجحيـــــــــــــن !!!!!

عاصم وياسمين وأياد

كنت واقفه فى بلكونه بيتنا لقيت خير اللهم اجعله خير واحده بتشترى من السوبر ماركت اللى قدامنا لابسه لبس مدرستنا قلت ايه ده هوا فى مدرسه تانيه مقلدانا فى الينوفورم بس بصيت كويس

لقيتها ياسمين استغربت اوى وقعدت اجيب الشارع من اوله لاخره فى مخى واقول ياترى ياسمين تقرب لمين عندنا

ومعرفتش برده .................. ومن حوالى اسبوعين كنت واقفه برده فى البلكونه بس المره دى كنت بنشر الغسيل

شفت ياسمين,,,, بس مش فى السوبر ماركت

كانت واقفه فى البلكونه اللى قدامى بالظبط قعدت ابسبس لها اول ماشفتنى استخبت فى الأرض قمت استخبيت انا كمان ورا الستاره وطول منا بنشر تطلع واول ماتشفنى تنزل تانى على الأرض قلت كفايه كده لحسن يكون حد شايفنى يقول عليا اتجننت

ودخلت وبعد استفسارات واستجوبات لبنت جارتنا اللى ساكنه فى نفس العماره اللى قدامنا اكتشفت ان ياسمين جدتها جارتنا وللاسف اكتشفت على اخر السنه

طبعا ميس مروه وميس مى فرحانين جدا ان كتكيتهم نجحو فى الدور التانى

وهيطلعو فرحتهم عليا يوم الاربعاء لما يشوفونى ,,, بس الصراحه تستحقو اه تستحقو

شوفو بقالى كام يوم ولا كام شهر بطلب صور التخرج من ممهات البنانا ومنك انتى كمان ياميس مى وكل مره تقولى لى اخ نسييييييييييييييييييييـت

لحد ما ماما إياد حنت عليا وبعتت الصور اى نعم بعتتها من كام يوم بس الكمبيوتر كان بعافيه شويه

يوسف ومحمد خالد واياد وديمه ويوسف(ميس بابا ) وعمر (الجينتل مان )

يوسف هوا الوحيد اللى نفسيته كانت متأثره اما اياد فكان فرحـــــــــــــــــــــــــــــــــان بنفسه اوى

وماما علشان ترفع من روحه المعنويه جابت له عربيتين هديه

ريمــــــــــــــــــــــــــــــاس جايه تبارك لاخوها الكبير إياد باشا

مؤمن كان مضايق اوى وبيقول اكيد فى حاجه غلط فى النتيجه ده انا من كلاس الابيل

ايه اللى جاب صورتى فى الدور التانى

وكوكو عريبى هوا كمان صمم انه يكشف عن درجاته واكمن عنده واسطه كبيــــــــرة ناس مهمـــــــــين فى الاداره

(ميس اسمها جيجى لو تعرفوها )فعملنا لجنه للتحقق من الامر

واه صحيح نسيت اقول لكم ان ملك اخت كوكو هتبقى معانا ان شاء الله السنه الجايه لتستلم الرايه من اخوها

والحمد لله رجعنا الدرجات وطلعو دور اول بس السبب تاخير فى بعت الصور

بس الحمد لله نفسيتهم استريحت واطمنو على مستقبلهم