حصه الالعاب

مدرستنااااااااااااااااااااااااااااااااااااا المدينه للغات 
شفنا كتكيتنا من فوق وهما فى حصه الالعاب
فنزلنا  نصورهم 
مؤمن بيتعلم العجله 
وطبعا طبعا سيف مبيحبش يتقيد بأى حصه حتى لو كانت العاب وبيشجع دايما اللعب الحر 
سيف بيكلم الناس حداهم فى البلد بالمحمووووول  (الوووووووو ايوه )
وعمر سايق الباص وطالع بيه على البلد 
شله البنات بالترتيب (ديمه ,فاطمه,جنى بنت خاتها ,رؤى)
عمر  ويوسف الصواف ووراه فارس اللى نسانى خالص واللى حسابه عندى تقل اوى وجنبه كيمو ابن رئيس الدوله 
عبد الرحمن وفاطمه وديمه 
انا حاسه انى فى مدرسه ثانوى من دلوقتى  بيطلعو من على السور 
ودى حصه الالعاب بس فى الكلاس التانى 
الكلاس اللى لنا   فيه محمد وعبد الله ومحمد حموده وكركرالسكر وعلى  حمبوزو 
مسابقه جرى بين عبد الله ومحمد 
وبين كركر ومحمد وحمبوزو 
كانو بيلعبو ماتش بس اتقلب خناقه على مين اللى هيمسك الكوره 
وكركر وعبد الله مكنتش فارقه معاهم المكسب او الخساره  بس على اتأثر جدا وكتم دموعه 

والصراحه صعب عليا فخليته
يعيد الجون تانى 
والحمد لله صدق  ان فريقه هوا اللى كسب 
بس كركر الفرحه كانت زياده شويه فمصدقهاش 
ولو سمحت ياجماعه عيزاكم تساعدونى فى حاجه 

شبكه الانترنت اشتكتنى ورفعت عليا قضيه علشان التعليقات بتاعتكم عامله ضغط ومعدش فى مكان فى الانترنت

 فياريت ارجوكم ارجوكم 

تبطلو تعلقو على المدونه  كفايه علشان منضرش اكتر من كده 

اه صحيح نسيت اقول حاجه كمان

 الصوره الاولانيه بتاعت المدرسه داليا اللى هيا ماما سيف هيا اللى مصوراها بدل ما اتعلق يوم الاحد 

الاجازه جت

اجازه نصف السنه بداءت من بكره يوم 30/12/2009
يعنى هندخل مرحله بياااااااااااااااااات شتوى طووووووويل شويتين

قصدى كتكيتنا هما اللى هيدخلو اما احنا هندخل بيات  صيفى ومعندناش اجازه 

اه على فكره kg2 اخر يوم لها يوم الخميس ,

Primaryاخر يوم لهم يوم الاتنين 4/12 وهيرجعو تانى يوم 10/12يمتحنو ويرجعو يقعدو وبعدين يرجعو تانى يوم 17و18 تانى يمتحنو يعنى دوخه 

يوم ميلاد اياد باشا

كل سنه وانت طيب يا اياد 
وبالمناسبه السعيده  والصوره العجيييييييييبه التحفه (ايه يا اياد انت كنت بتصور لشركه موبينيل من وانت فى اللفه )

هعلن عن المسااااااااااااااااابقه التانيه وكانت نتيجه المسابقه الاولى هنا فاكرينها يعنى مش بتكلم وخلاص فى فعلا جوائزه قيمه جداااااا جداااااااا 

http://babyclass.blogspot.com/2009/05/blog-post_18.html

والمسابقه التانيه اللى هيبعت صور حفله بكره راس السنه الهجريه اول واحد هيكسب شحن هوائى بمبلغ خممممسه فئه الجنيهات مصريه 

وكمان هفضل انشر صورجديده لكتكوتنا الفائز لمده اربع مرات ورا بعض 

الله اكبر كبرنااااااااا والسنه فاتت بسرعه جدا ده اكنى لسه حاطه صور يوم ميلادك اللى فات  انت ويوسف 
http://babyclass.blogspot.com/2008/12/blog-post_31.html
ربنا يخليكم لبعض ياتيتا اياد ويفرحك بيه فعلا ينطبق عليكى مثل اعز الولد ولد الولد 
اياد بيفرح اوى لما حد يقول له ايه التسريحه الجميله اللى انت عاملها دى شبه مقداد خالص  (واحد فى طيور الجنه )

اى نعم هيا مفهاش ريحه الشبه لان مقداد بيسرح شعره بجنب بس زى بعضه 

ايه صحيح الحركه اللى لقيتها فى كل الصور دى ياماما اياد 
وشكلها من النوع المعدى مؤمن كمان بيحاول يعملها 

صورتين عموره بعتهم لى

الف شكر ياماما عمر وان شاء الله نردهم لكى فى اى حفله قريبه 
انا والاحمرين مع الاصفريين
دورو بقا على كتكيتنا فى وسط الزحمه دى 
كركر السكر اهوت وسيف وسلوى بيأخدو دش 

اى نعم هما شويه صور صغننين بس والله فرحت بيهم اوى ياعمووووره وقلت لازم انشرهم لوحدهم 

اى نعم  مفيش صور معايا غيرهم بس بردو صممت انى انشرهم لوحدهمممممممم

وياااااااريت يللى بالى بالهم يبعتو الصور اللى اتفقنا عليهم 

دوام الحال من المحال

فاكرين ياجماعه السنه اللى فاتت لما كان  فى اى احتفال فى المدرسه كان مكنا فييييييييييييين 
هنا زى المسجونين وكان حدودنا نتفرج بس من وراء الأسوار 

شده وتزول يابيبى كلاس ال2010 كنا زيكم كده والحمد لله دلوقتى 
بقت البلالين بتتنفخ علشانا وكل اللى بنعوز نعمله  بنعمله براااااااحتنا 

بس يعنى مش برحتنا اوى .......
شيفنا ياجماعه واحنا نازلين ومنووووووووووورين 
وكمان كل واحد فينا اخذ بالونه وشكل مجسم 
وانا كركر السكر هناك اهوت بضحك ومبسوووووط فوسط صحابى 
دى بقا بنت فى كلاسنا بس عندها ظروف ......بكل اسف مبتتكلمش ولا كلمه عربى 

على حمبوزو بقول له هيا مالها ياعلى قال لى ربنا خلقها كده ياميس 

حسسنى انها تعبانه 

بس الحمد لله بقيت بعرف اتواصل معاها بس طبعا بلغه الاشاره 
كلنا قاعدين محمد حموده ومحمود و.....مستنيين دورنا فى فقرات الحفل 

احنا بنتوقع اداء عالى جدا فى فقرتنا ده مش تكبر وغرور ده ثقه فى نفسناااااااا وفى موهبتنا 
هوا احنا عملنا اللى علينا......وغنينا 

 بس مش عارفه ليه الصوت خرج فى المايك غريب كده 

وكركر السكر مش عارفين ليه حاطط ايده على ودانه كده !!!! احنا مش عايزين نظلمه ونقول انه سددها 

احنا بنأكد ان العيب من المايك والعيب اتعمل بفعل فاعل

وكل اللى بيحصل لنا ده ظللللللللللللللللم شفتو اللى حصل لعلى صحبنا مقدرش يتصور ان الاحقاد وصلت للمايك 

بس كركر قال له قوم  ياعلى متستعبطش انت صدقت وعشت الدور كده ليه 

قوم سقف ومتشمتش فينا الكلاس التانى 
احنا بقا الكلاس التانى 

لالالا متفهمناش غلط مش احنا اللى يقصدونا احنا تبعهم نفس الدفعه

 دفعه بيبى كلاس 2009

وده مكانا جنبهم  وميس اميره وميس دينا بيقعدونا اهوت 
علشان ميعاد فقرتنا 
ودلوقتى بنأخذ نصيبنا فى البلالين والمجسمات 
بس ادعولنا احنا خايفيين اوى نفسنا نفوز ونثبت موهبتناااااااا 
ايون كلنا واقفين اياد ومؤمن ومصطفى وديمه ولارا وباسل وعمر و............
ياجماااااااااااااااااااااااااااااعه ودانا وجعتنا تانى 

بس المره دى من كتر 

التصقييييييييف 
والله وعملوها الكيجهات ورفعو رأس دفعتناااااااااااااااااااااااااااااااااااااااااااااا 
ايه مالك ياسيف مكشر ليه بقااااااااااا !!!!!!

ايه عايز ايه ؟؟؟؟؟؟

صور كماااان لامتحلمش الساعه بقت 330 الفجر والدنيا ساقعه وورايا مدرسه كمان اربع ساعات 

انا داخله انام سلام ومتنساش تدعيلى انت وصحابك 

انا جبت أخريييييييييييييييييييييي

افتح الكمبيوتر ادخل على المدونه 

الاقى مفيش حد دخل حتى اللى كانو بيدخلو يااااااااااربى مشيو 

انا مش طماااااااعه والله انا بس عايزه اعرف فى حد بتفرج ولامش مستهله اكمل

 مهى الصورعندى على الكمبيوووتر يعنى لما بعوذ اتفرج عليهم بتفرج   من غير مقعد احملهم وارتبهم وانشرهم 
انا عارفه انى عملت انذارات كتير بس الانذار ده هيبقى ان شاء الله قبل قبل الاخير 

علشان قلبى طيييييييب  

مهو حاجه من الثلاثه 

1_مفيش حد بقا  بيدخل 

2_مش لاقيين كلام تكتبوه 

3_مش عارفيين تكتبو التعليق ازاى 

والحلوووووووووووول بتاعت التلاث احتمالات اللى فوق 

1_ابطل انشررررر الصور وابيع الصوره بجنيه للى عايزها 

2_انا مش عيزاكم تكتبو موضوع تعبير والله هفرح برقم 1111111111111 اورقم 22222222

 وعرض خاص كمان اى رقم انتم تحبوه اكتبوه

3_ فى تحت اى موضوع مكتوب بخط بمبى جنب كلمه ميس الهام (التعليقات اضغطو عليها هيظهر 

يمكن استخدام بعض علامات HTML، مثل , ,

اختيار هوية

 حساب Google

اسم المستخدم
كلمة المرور
أليس لديك حساب على Google؟ التسجيل هنا.  يمكنك أيضًا استخدام حساب Blogger الخاص بك.

OpenID

 الاسم/عنوان URL

 غير معرف

فى ثلات دوائر اللى فوق دى اختارو غير معروف وده اسهلهم وبعدين اكتبو اسم كتكوتنا والرقم اللى تحبوه فى المربع وبعدين نشر التعليق بس خلاص