مش لاقيه عنوان غير البناااااااانا تانى

الحمد لله صورت البنانا اخيراااااااااااا

بس انا ليا ملحوظه او اعتبروها حتى رغى مهى مش اول مره ارغى مع نفسى
كلاس البنانا اول ما أدخل عنده بحس ان الكتاكيت اللى فيه مش زى كتكيتنا
هدوء هدوء هدوء
اقول ده جايز الهدوء اللى يسبق العاصفه ومستنين ميس فرخه تمشى وبعدين يبدوء العاصفه
لكن اكتشفت ان الرياح الشماليه الشرقيه بتاعتهم مفهاش اى عواصف ولاحتى رياح خفيفه ممطره عصرا
ومثلا لو جه عندهم 16 كتكوت واحنا عندنا 7 كتاكيت
فى كلاس البنانا تلاقيهم قاعدين فى ركن من اركان الكلاس او قدام التليفزيون وسكوووووت مندمجين فى اللى مفتوح قدامهم وكلهم متفقين على التليفزيون او القصه
اما ال7 كتاكيت بتوعنا
فى 2عايزين الكرتون
و2 عايزين قصه
وواحد عايز يضايق الاتنين اللى بيتفرجو على التليفزيون
وواحد مش طايق يسمع اول القصه ونفسه يعرف ايه اللى هيحصل فى اخرها وخلاص
والاخير عايز يطلع الملاهى
طيب بلاش اللى بيحصل فى الكلاس
لو مثلا رقبنا انفعالات( ميس يسرا بتاع المكتبه )
او( ميس نوال بتاع الكمبيوتر ) لو عرفو ان كلاس البنانا طالع عندهم
تلاقى نفسيتهم مستريحه وقاعدين منشكحين ومفيش اى حاجه شغلاهم
اما بقا لو وصل لهم ولو كانت على سبيل اشاعه ان كلاس الابل طالع
.
.
.
تهيج فى المعده وقولون واصفرار فى الوجه مع صداع مزمن
بيفكرنى كلاس الابل بفصل (السيده ام كلثوم ) الفصل بتاعى فى ابتدائى كان الميس اللى توافق
تدى فيه حصه تأخذ مكافاه محترمه واتنين حبايه كيتوفان
وبرده والله بيفكرنى بفصل (السيده ميمونه ) بس ده بقا فى اعدادى



لو تلاحظو معايا هتلاقيهم لابسين نفس ال uniform
بتاعنا اصفر Yellow
بس يمكن اختلاف لون السجاده عليه عامل ؟؟؟؟؟؟

وزى متعودتو على الصراحه وعدم التحيز اطلااااااقا فى المدونه
فى ثلاث اطفال كانو هربانين من عندنا فى اول السنه وراحو على كلاس البنانا
وأنا بقول كده علشان اريح ضميرى لانى بخاف يعدو حد

Number(1
اياااااااااااااااااااااد
جننى علشان اصوره بيتظفلط زى الصابونه كل ما امسكه يجرى

حتى تعب من كتر الجرى ويوسف ربنا يبااااارك فيه تعب معايا اوى

كان بيساعدنى علشان نمسكه

number(2
عاصم اللى واقف بالمتشقلوب ده جنب أياد

number3
محموووود
ومش محتاج يتقال اى حاجه جنب اسمه

اللهم بلغت اللهم فاشهد

يوسف ورنيم

محمد خالد (مش عارفه... بس حاسه انه بداء يتنقل له العدوى )

ميس مى وعمر الجينتل مان

على فكره ميس مروه كانت بتموت فيه
ربنا يمسيكى بالخير ياميس مروه وحشتينا والله

انا عارفه انك متابعه المدونه ابقى اظهرى بتعليق ولا بكلمه نوبك ثواب

(بس بقا انا شكلى بداء يتسول )

ياسمين قريبه عاصم بس مش عارفه تقرب له ايه

لارا ويوسف هدوووووووووووووء سكوووووووت

رنيم كلاكيت ثالث مره (اى خدمه يامامارنيم )

عمر وزهره شباب المدرسه

عاصم وحمزه العسل

فى حاجه برده نسيت اقولها فى الفروق بين الكلاسين
جايز تساعدنا فى حل الاختلافات
كلاس البنانا كله فى الباص ماعدا 6كتاكيت

كلاسنا كله ماما وبابا ماعدا 4 كتاكيت

يمكن ماما وبابا لما بيوصلو كتكيتنا بيأثر على فسيولوجيه تكوين جينات الشقاوه والثقه عندهم

محمود وعاصم حنو لبيتهم القديم وداخلين يجيبو كتكيتنا اللى فى الباص

أن شاء الله بكره ولابعده هنشر صور كتكيتى بس اريح عينى شويه
لانى كده بهرج وحاسه ان العمليه هتقلب بحول وهنضرررررررب

يااااااااااااااااااااااااااااااااا بناناااااااااااااااااااااااااااا

فى ماما وماما وماما ......... زعلانين منى خالص والصراحه لهم حق
علشان انا مقصره كتير فى صور كلاس البنانا
بس بجد انما الاعمال بالنيات وانا نيتى انى اصورهم قريب كتيرررررررررررر
بس المشكله ان احنا بنكون معسكرين فى كلاس الابل
اقول ياميس امولكا ؟؟؟
.
.
.
.
.
هقول وخلاص منتى عارفه انى مبيتبلش فى mouthبتاعى فوله

اصل لما حد فينا يخرج من الكلاس بنحسبها لبعض بالدقيقه
يعنى لو امولكا طلعت تقلب التليفزيون يبقى انا اللى اطلع اصور الشيتات
ولو طلعت اشرب يبقى امولكا بقدره قادر عطشت هيا كمان
ولو ..... يبقى..... وهكذااااااااااااااااااااااااااا
فالموضوع بيبقى محسوب بالثانيه
بس ان شاء الله هفسح امولكا عشر دقائق فى المدرسه
ولما يجى عليا الدور هخرج اصور البنانا



مش عارفه ليه بقاللى كام يوم حاسه انى رغايه وبكلم نفسى على المدونه
عارفيين لولا انى بعرف انكم بتدخلو المدونه ولولا قلبى الطيب كنت هجيت من زمااااااان
سلاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام

استبيان

من حوالى اسبوع او اتنين بعتنا مع كتكيتنا ورقه
مفروض ان ماما وبابا يجوبو عليها ويبعتوها لينا
الظاهر الاسئله صعبه.. !!!!!!!
بس على فكره شويه تركيز وركعتين قضاء حاجه ممكن تنجحو وتعرفو تحلو الاسئله
وخاصه ان فى حوالى 15ماما وبابا فى الكلاسين نجحو وبعتو الاجابات
الاسئله عن المدرسه وعن الكتكوت وعن ميسات الكتكوت
(متخفوش مش هنزعل والله لو كتبتو السلبيات بتاعتنا اكتبوهاااا ومتخفوش )
ابعتو الورقه بسرررررررررررررعه




*ماهى المقترحات التي تود أن تضاف إلى المدرسة عموما من ناحية :
1_الهيئة والبنية المدرسية ............... ..............
2_الاداره.............. .............. ..............
3_الإشراف.............. .............. ..............
4_النظافه ........... .......... ............
*هل شعرالأب والام بتغير فى سلوكيات الطفل من الناحية السلبية والناحيه الايجابيه بعد دخوله المدرسة؟
*هل ترغب في فصل الأولاد عن البنات في السنوات القادمة بالمدرسة


* ماهى أهم الأشياء التي يتميز بها طفلك؟
*ماهى أهم الأشياء التي تلفت انتباه طفلك ؟
*هل ينسج طفلك قصص من الخيال ؟
*ماهى أنواع (الحوافز)عند القيام بالسلوك الصحيح؟
*هل وجدت الام صعوبة مع طفلها عند دخوله المدرسة؟
*هل يشعر الطفل بسعادة لذهابه المدرسة؟
*ماهى السلبيات الملحوظة في المدرسات والفصل ؟
*ماهى الايجابيات الملحوظة في المدرسات والفصل ؟
*ماهى الأمنيات التي تتمناها لطفلك في المستقبل بأذن الله؟
*ماهى أهم الألعاب التي تلفت انتباه طفلك ؟

*ماهو ترتيب الطفل بين الاخوه؟

*ماهى سلوكيات الطفل مع الأخ الأكبر ؟

*ماهى سلوكيات الطفل مع الأخ الأصغر ؟

*كيف يتعامل الطفل مع الغرباء ؟
(انطوائي _اجتماعي )

*كيف يتعامل الطفل مع إفراد عائلته ؟

*هل يمارس الطفل رياضه معينه؟

*هل يميل الطفل لاقتناء ممتلكات الغير ؟

*ماهى العادات السلبية التي تودين إن ينتهي منها طفلك؟
*ماهى الحالات التي لايستجيب فيها الطفل إليك؟

*ما أنواع العقاب التي يتعرض لها الطفل عند الخطأ؟

* هل يعتبر طفلك سريع التعب ؟

*ماهى السلوكيات المعتادة عند تناول الطعام ؟

*هل يميل الطفل إلى الاستقلالية (يرتدى ملابسه بمفرده, يأكل بمفرده ,ينام بمفرده.....)

المواعيد الجديده

مواعيد التوقيت الصيفى
من الساعه 9 صباااااااحا (سامع ياحمبوزو انت وفارس وكركر السكر )
الى الساعه 12,30
kge1.2
من الساعه 9صباحا الى الساعه 1 ظهرا
ابتداْمن يوم الثلاثاء الموافق 21/4ان شاء الله

ريم وياسمين

وعد الحر دين عليه
بما انى قلت لو حد بعت الصور هنشرها علطول
(اى نعم اتأخرت يومين ياماما ريم وانتى عارفه السبب )
وطبعا كتير اوى بعتو الصور بس لقيت المدونه هتبقى زحمه اوى
فقلت كفايه عليا صور ريم وياسمين اخت ريم

الصوره دى فرحت بيها اوى اول يوووووووم فى المدرسه
انا مكنتش لسه جيت ريم كانت كتكوته صغننونه اوى ولا الديوك اللى لابسين احمر red
شكلهم فى الصوره واقف هادى جداااا
بس سبحان الله الزمن بيتغير يعنى مصطفى اللى لابس نظاره
كل ما اشوفه الاقيه واقف يتخانق مع الشنطه بتاعته
اه والله بيكلمها اكنه بيكلم واحد صاحبه ويقول لها هتتلبسى ولا مجبكيش معايا المدرسه تانى
مره بقول له انتى مش بتكلم ليه الشنطه انهرده يامصطفى قال لى اصل هيا واحده تانيه الشنطه غايبه انهرده
مصطفى ده دماااااااغه عاليه اوى وخياله واسع اوى اوى

برده اول مره اعرف ان الكلاس بتاعنا كان مش مفروش سجاد
ريم قاعده بتسمع ماما مصطفى وهيا بتقنع مصطفى انه ميعيطش وان المدرسه جميله وان هيا هتروح تعمل الغذاء وترجع تأخذه علطول
(الكلام اللى احنا حفظناه عن ظهر قلب )
والناحيه التانيه قاعد على الجلاد لسه بيتأمل الجو اللى حوليه قبل مايبدأء العياط اللى كان لسه مخلصش لحد ماجيت فى نصف شهر 10
يااااااااااااااه فكرتونى بأيام زمان ايام مكنش حد ينفع يعدى من قدام كلاس البيبى كلاس من كتر الالحان اللى كانت بتتطلع منه وكنت بحس ان الكتاكيت كلهم شبه بعض وقلت عمرى مهعرف احفظ اسمائهم ابداااا
مؤمن (انا عااااايز جد, ابرهيم مليش دعوه ويعيططططططط)
على الجلاد (انا عايز اروح لتيتا كريمه وجدوووووووووو ويعيطططط)
على عثمان (عيااااااااااااااااااااااااااااااااااااااااااااااااااااط )بس الحمد لله الله اكبر

وسيف( كان طفل لابس احمرredوكنت بحسبه فى كيجى بس كان غلط مطبعى ويعيطططططط ويقول عايز داليا كنت بحسبها واحده صاحبته وا اخته طلعت داليا دى بقا مامته
ولافارس كان بيتبلى عليا ويقول الميس لولو بتشيل السجاد وتسيبنا سقعانين وبتعلى الكاست على الاخر ودماغى بتوجعنى
ده انا كنت بحس انى هروح النيابه من كتر ما الكتاكيت بيطلعو علينا كلااااااام
و ...........كفايه كده بقا دلوقتى ذكريات زمان ان شاء الله هبقى افضفض مره تانيه

ايه بس الثقه دى ياست ياسمين
عرفنا ان حضرتك يافندم ان الكلاس ده هيبقى بتاعك السنه الجايه
براحه علينا شويه

بس ياترى هتعملى زى ما اختك الكبيره بتعمل فينا
لازم كل يوم الصبح ماما تدخل وتقول لريم انا واقفه اهوت مش همشى
نقوم انا او ميس امل نقول لها ريم شفتى ايه معانا فى الشنطه ونروح عند الشنطه نطلع لها اى حاجه معانا منديل ,مفتاح ,لحد ما ماما تتسحب وتمشى بس سعات الحظ ميبقاش معانا وواحدمن صحابنا يقول لها ريم الحقى مامتك مشيت فتبدأء السريبه بس الحق يتقال بتنتهى علطول
ريم امبارح قالت لماما فى العربيه انا بحب الانبوبه اوى وهقول للميس انى بحب الانبوبه

منا كنت حاسه من الاول انك هتحبيها مهى انبوبه طيبه وبنت حلال
ربنا يخليها لكى ياريم!!!!!!!!!! والله معمت فاهمه حاجه

قبل ما اشوف ياسمين كنت بحسب ان ريم صغننه اوى بس بعد ماشفت ياسمين
حسيت ان ريم الاخت العاقله الكبيره

الصوره دى حقيقى مش فهماها خالص
فين رجل ريم وياسمين !!!!!!
انا كل يوم بعدى على الحته دى مفهاش الخط الاحمر ده خالص
لو حد فهم الصوره دى يبقى يقول لنا

بكره وبعده

ان شاء الله فى بكره وبعده حمله تطعيمات فى المدرسه لشلل الاطفال ياريت محدش يغيب

ولو حد اطعم قبل كده يقوووووول

( بس متخفوش التطعيم مش حقنه ده نقط بس ملقيتش غير الصوره دى )

اخيرا نقول كل سنه وانتى طيبه ياماما

البنوته دى مش عندنا والله
بس لقيت الصور شويه صغننين قلت اكترهم

فبل الحفله بثلاث اسابيع كنا كل يوم نقول لكتكينا
عايزينكم يوم الحفله تسمعو الكلام وتقولو لماما كل سنه وانتى طيبه وبعدين تدوها الكرت

واوعو حد يقطع التاج والقلب لان احنااا طلع عنينا فيه............. وطبعا !!!!!!

شويه لبسو وشويه لسه بيلبسو وشويه لسه مجوش اساسا

والله شكلهم عسل بسم الله ماشاء الله

ميس امل مع الكتاكيت )على فكره عايزه اقول انى بحب ميس امل اووووووووى
ربنا يخلينى لكى( يا امولكاعلى راىء على حسين )

نور وفارس ومحمد شكلهم كان سهران يومين وراء بعض وعايزين ينامو
وعلى عثمان ماشاء الله بجد دمه سكر
كنا بنقول لهم كل واحد يجى بلبس المدرسه
قال لى مينفعش بابا اشترى القميص خلاص وهلبس زى عمرو قلت له مينفعش ياعلى
قال خلاص بابا مصمم وقال كلمه

وبيقولها وهوا بيعمل

بأيده انى اسكت ابطل كلام وطبعا سكت هوا انا اقدر اتكلم بعد تصميم بابا

بنعمل line علشان نطلع الحفله
عبد الله وريم واقفه مديانا ظهرها طبعا لها حق مش ماما معملتش اللى اتفقنا عليه ماشى ياماما لما اشوفك
وحمد حموده هيعطس يرحمكم الله يامحمد والكابتن سيف بيقلع التاج لانه بيقول خانقنى بعتبار انى ملبسهوله على مناخيره

كركر وفارس اللى اتبقو فى line

بنراجع معاهم المراجعه النهائيه اللى قلناه طول الثلاث اسابيع

وجت اللحظه .......................
فى كتاكيت ميس امل ادتهم الكرت يدوه لماما (الكابتن مؤمن )
قعد يقول ده بتاعى مش بتاع ماما وطمع فيه وخذه
وفى كتاكيت ادناهم الكروت لقيتها على الارض وفى الاخر احنا اللى ادناه لماما وقلنالها ابنك باعت لكى ده

للاسف دى الصوره الوحيده لكلاس البنانا وماما اياد كمان هيا اللى مصوراها
يوسف ومحمود وزهره شباب المدرسه بس الغلط مش عليا الغلط على

ماما وبابا انا قلت مليون مره ابعتو الصور صح؟؟؟؟

وهما قاعدين معانا
كانو بس مستغربين المكان بس بعد ما اتعودو وياريتهم ما اتعودو

جرونا وراهم المدرسه كلها وكل ما نمسك واحد التانى يجرى

على وأحمد صاحبنا اللى بيظهر زى القمر مره كل شهر

على حمبوزه وكركر السكر بعد ما الحفله خلصت طلعو على المسرح
واشتغلومع نفسم رقص كان شكلهم عسل اوى

فرصه اخيره علشان خاطر كتكيتنا بسسسسسسسسسسسس

لو بعتو صور تانيه هنشرها وامرى اللى الله
الف الف الف الف الف شكر ياماما كركر السكر انك صورتى كتكينا وبعتى الصور

وبعد الفحص اثبت علميا ان ماما اياد بعتتلى شويه صور حلووووين ورغم كل اللى مبنا هقول لكى شكرااااا